Денеска се транспортирани три пациенти во Турција, седум пациенти во Шпанија, а последниот транспорт со двајца повредени ќе биде во Чешката Република“, Според него, се уште имаме пациенти на интензивна нега, меѓутоа сите се стабилни со позитивна прогноза.

Македонското здравство брзо реагираше со одлука на Владата, брзо се испраќаа пациенти во странство, но и од Кочани кон Штип и Скопје, истакна членот на ИК на ВМРО-ДПМНЕ и директор на Фондот за здравство, Сашо Клековски во гостување во „Тема на денот“ во централниот дневник на телевизија Сител.

Таа одлука е донесена од Владата многу рано, веќе во утринските часовиод трагедијата“, Први на помош пристапиле државите од соседството, како Бугарија, Грција, Србија и Турција.

Клековски потврди дека на еден еден од пациентите што бил пренесен на лекување во Солун веќе му била трансплантирана кожа на рацете.

Во основа логиката на ова што го направивме изминатите денови, бидејќи не знаевме кој ќе биде обемот на трагедијата, беше што повеќе тешко повредени, критични повредени да се пренесуваат во странство.

И британската Влада и изралеското МЗ понудија да ни помогнат да го конципираме планот што ќе правиме следната една – две години бидејќи оваа трагедија ќе дава последици кои ќе траат подолго, рече Клековски кој изрази импресионираност од координираноста на повеќе различни ресори и исклучителната висока мобилизација и солидарност не само во македонското здравство туку и кај приватниот сектор, од приватните болници, од веледрогериите и фармацевтските куќи.

„Јас извадив одредена статистика од Фондот, ние имаме максимум полесни трансплантации на кожа, околу 30 случаи во четири години, 2021-2024 година.

Фондот испратил само 5 случаи на лекување во странство од 2017 година – 1 во Белгија, 1 Истанбул и 3 во Софија.

Станува збор за голем дел воени институции и специјализирани институции за изгореници и тие се намерно одбрани за пациентите да добијат најдобра можна здравствена заштита.

Од историјата во минатото такви зафати и комплицирани и помалку комплицирани се правени на клиниката така да оттаму ќе не информираат за темпото и во согласност со тоа ќе почнеме да работиме“, посочи тој.

Директорот на Фондот најави дека на македонското здравство кое е вели „од 20 век“ му претстои темелна реформа за што од денеска работат со британски тим, а имаат понуда и од израелското Министерство за здравство да работат на механизми за справување со вакви кризни состојби.