Шеснаесет пациенти кои беа повредени во пожарот во Кочани и се лекуваа во земјава се очекува да бидат испишани од болниците и лекувањето да го продолжат во домашни услови.

Портпаролката на Влада, Венера Љатифи Азизи попладнево на прес-конференција информира дека според последните податоци денеска од болниците ќе бидат испишани 16 пациенти кои се лекувале во земјава и лекувањето ќе го продолжат во домашни услови.

Трагедија на Кочани, која ги однесе животите на 59 млади луѓе, остави длабока и незаменлива болка низ нашата земја, рече на денешната прес-конференција портпаролката на владата, Љатифи Азизи.

До крајот на овој месец сите градоначалници треба да обезбедат записници за безбедноста за училиштата, градинките, спортските сали и за сите културни установи под нивна надлежност и тие да ги споделиме со Владата, на заеднички координативен состанок и со јавноста, информира вечерва градоначалникот на Општина Кисела Вода и претседател на Заедницата на единиците на локалната самоуправа (ЗЕЛС) Орце Ѓорѓиевски.

Претседателот на ЗЕЛС и градоначалник на општина Кисела Вода Орце Ѓорѓиевски по денешната седница на Управниот одбор на ЗЕЛС кажа дека сите училишта, градинки, јавни установи, културни домови и спортски сали во државава се безбедни.

Доколку се утврдат недостатоци, одредени училишта и спортски сали ќе бидат привремено затворени – информираше претседателот на ЗЕЛС Oрце Ѓорѓиевски кој откри и дека сите општини започнале вонредни инспекциски контроли.

Доктор Небојша Настов од Универзитетската клиника за хируршки болести, соопшти дека на шест од 10 пациенти во неговата клиника, им е извршена трансплантација на кожа.

На Универзитетската клиника за хируршки болести во Скопје во моментов се лекуваат десет пациенти од пожарот во дискотеката „Пулс“ во Кочани, од кои на шест веќе им е направена трансплантација на кожа поради степенот на изгореници, информираше денеска директорот на Клиниката, Небојша Настов на заедничката прес-конференција со портпаролите на Владата, Марија Митева и Венера Љатифи Азизи, како и градоначалникот на Кисела Вода Орце Ѓорѓиевски.

Седумдневната национална жалост прогласена од Владата за трагедијата во Кочани завршува денеска, но со несмален и невиден интензитет ќе продолжи истрагата која ќе биде правична и темелна, порачаа денеска на прес-конференција владините портпаролки Марија Митева и Венера Љатифи-Азизи.