Објавен е Јавен конкурс за изработка на заштитен знак (лого) на Собранието на Република Северна Македонија со цел законодавниот дом да го модернизира и изедначи својот институционален, визуелен идентитет преку изработка на заштитен знак, кој треба да ги одразува националните вредности и вредностите, мисијата и визијата на институцијата, соопшти денеска собраниската прес – служба.

Движењето ЗНАМ формира преговарачки тим за соработка со политичките партии и нормално е дека ние во рамките на владиното партнерство веќе ги почнуваме разговорите со нашиот владин партнер ВМРО – ДПМНЕ.

Движењето ЗНАМ размислува да настапи со самостојни советнички листи на претстојните локални избори, а за градоначалници размислува за взаемна поддршка со ВМРО-ДПМНЕ.

Пратениците на Левица ќе поднесат предлог – закон за изменување и дополнување на Кривичниот законик со кој се предлага застарувањето на кривичните дела да биде дуплирано, додавање на кривични дела кои не застаруваат, а се однесуваат на економскиот криминал и злоупотреба на службената положба.

ДУИ изразува длабока загриженост поради систематското непочитување на албанскиот јазик на официјалните веб-страници на министерствата на Владата на Република Северна Македонија.

На Предлог-извештајот на известувачот на Комитетот на надворешни работи (АФЕТ) на Европскиот парламент за Северна Македонија, Томас Вајц, европратениците доставија вкупно 313 амандмани.