Уставниот суд има потреба од закон за доуредување и статус кво состојбата нема да донесе никому ништо добро, порача претседателот на Уставниот суд, Дарко Костадиновски, по отворањето на тркалезната маса „Дали ни е потребен Закон за Уставен суд?“, изразувајќи надеж дека јавната дебата ќе резултира со правилно адресирање на сите прашања.

Затоа ова за мене е многу важна тема и еден од приоритетите како претседател на Судот, изјави Костадиновски, на прес-конференција по отворањето на тркалезната маса, организирана од Уставниот суд со поддршка на Делегацијата на ЕУ во Скопје, преку механизмот ИПА 3. Актуелноста на темата, нагласи Костадиновски, не е исчезната во период од 34 години, односно од донесувањето на нашиот Устав од 1991 година и целта на денешната тркалезна маса е да се отвори повторно јавна дебата за неопходноста од реформа на најнереформираната институција во нашата држава.

Во Уставниот суд денеска се одржува тркалезна маса на тема „Дали ни е потребен Закон за Уставниот суд?“ која има цел да отвори дебата за потребата од донесување на посебен закон што би го регулирал работењето на Уставниот суд, преку дијалог меѓу претставници на институциите, правната струка и граѓанскиот сектор.

34 години е предолг период, таков каков што бил овој суд, со право не само претседателката на државата, секој граѓанин може да праша која е улогата на Уставниот суд изминатите 34 години, како е можно денеска да имаме историска најголема недоверба во комплетниот апарат.

Начинот на избор на уставните судии да биде, како со ДКСК, со претставување пред пратениците, граѓаните да ги видат.

Начинот на избор на судиите е скромно транспарентен.

Според Костадиновски, со право се критиките и Уставниот суд предолго време бил инертен и самиот Уставен суд треба да ги иницира реформите, затоа што, како што вели, ние „најдобро знаеме со што се соочуваме во нашата работа“.