Во Основниот Кривичен суд Скопје денеска заврши сведочењето на обвинетиот Љупчо Палевски во случајот за убиството на Вања Ѓорчевска и Панче Жежовски.

Првата Антикорупционерка останува недостапна за прашањата на медиумите дали ќе си поднесе оставка по сомнежот за нејзина вмешаност во случајот „Адитив“.

Ова фрла дамка на институцијата и се надевам дека останатите членови на ДКСК, кои не се никако засегнати од овој случај, ќе успеат да излезат од таквата ситуација, изјави денеска министерот за дигитална трансформација Стефан Андоновски коментирајќи ги случувањата во Антикорупциската комисија откако Обвинителството завчера ја осомничи претседателката на Комисијата, Татјана Димитровска, за оддавање службени тајни во случајот „Адитив“ и ѝ забрани контакт со предмети на ДКСК.

Државната комисија за спречување на корупцијата ја уверува јавноста, партнерите и меѓународната заедница дека институцијата останува целосно доследна на почитувањето на принципите на интегритет, транспарентност и владеење на правото.

Поранешни вработени во Бирото за јавна безбедност (БЈБ) заработија кривични пријави за ,,злоупотреба на службената положба и овластување при што го оштетиле буџетот за 53.900 евра, соопшти Министерството за внатрешни работи(МВР). Според соопштението, во 2021 и 2022 година, првопријавената В.В., се сомничи дека додека била на функцијата помошник директор во БЈБ не спровела пресуди на надлежен суд, додека второпријавена В.Н., во својство на началник, не ги прочитала со внимание предусидте и не реагирала до првопријавената.

Одделот за внатрешна контрола, криминалистички истраги и професионални стандарди при МВР до Основното јавно обвинителство – Скопје поднесе кривична пријава против В.В.- пензиониран работник, а во време на извршување на кривичното дело на работно место „помошник директор“ во Одделот за заеднички работи и управување со човечки ресурси во Бирото за јавна безбедност при МВР и В.Н. – пензиониран работник, а во време на извршување на кривичното дело на работно место „началник“ на Секторот за правни работи и заштита на лични податоци во Одделот за заеднички работи и управување со човечки ресурси во БЈБ при МВР, за кривично дело „злоупотреба на службената положба и овластување“ по член 353 став 4 во врска со став 1 од Кривичниот законик.

Заменичката генерална секретарка на НАТО, Радмила Шекеринска, изјави дека не верува дека американската војска ќе се повлече од Косово, нагласувајќи дека НАТО продолжува да ја зајакнува својата присутност и соработка во регионот.

Заменик-генералниот секретар на НАТО, Радмила Шекеринска не смета дека американската војска може да се повлече од Косово и Метохија, пишува „Вијести“ од Подгорица.

Претседателката Гордана Сиљановска Давкова, прашана која е нејзината порака за уставните судии при носењето одлука за Законот за употреба на јазиците, вели дека „треба да се држат до Уставот и нема да згрешат“.