Генералниот секретар на НАТО, Марк Руте, рече дека „планот за победа“ на украинскиот претседател Володимир Зеленски е добар сигнал, но дека, како што сега стојат работите, тој не може целосно да го поддржи.

Украинскиот претседател Володимир Зеленски денеска во Врховната рада го претстави „планот за победа“, кој се состои од пет клучни точки, пренесува Киев Индипендент.

Украинскиот претседател Володимир Зеленски утре ќе учествува на состанокот на министрите за одбрана на НАТО, според ревидираниот дневен ред на состанокот објавен доцна денеска.

Албанскиот премиер Еди Рама денеска на прес-конференција по одржување на втората меѓувладина конференција ЕУ-Албанија во Луксембург, со што Тирана практично ги започна пристапните преговори по кластери, го коментираше одвојување на Албанија од Северна Македонија на патот кон Европската Унија, пренесува МИА.

Се чувствувам многу возбудено и многу охрабрено што конечно ќе го започнеме најтешкиот дел од работата во преговорите за членство во ЕУ, што подразбира отворање на кластерот „Основни вредности“, изјави денеска во Луксембург албанскиот премиер Еди Рама пред почетокот на Втората меѓувладина конференција ЕУ-Албанија, со што Тирана практично ги започнува пристапните преговори по кластери.

Претседателот на Демократската унија за интеграција, Али Ахмети го поздрави отворањето на преговорите меѓу Албанија и Европската унија, со отворањето на првото преговарачко поглавје.

Албанија денеска го отвора првиот т.н кластер на преговори за пристапување во ЕУ. Во Луксембург ќе се одржи меѓувладина конференција ЕУ-Албанија, на која ќе започне првата фаза од преговорите, откако земјата во овој процес беше одвоена од Република Северна Македонија на крајот на септември.

Поранешниот американски претседател Доналд Трамп денеска одби да каже дали разговарал со рускиот претседател Владимир Путин по завршувањето на неговиот мандат во 2021 година.

Уставот на Северна Кореја сега ја дефинира Јужна Кореја како „непријателска држава“, според државните медиуми, што е прво спомнување на неодамна усвоените уставни измени, јавува денеска Би-би-си. Државниот весник „Родонг Синмун“ ги нарече уставните промени „неизбежна и легитимна мерка“, во време кога тензиите меѓу двете Кореи се на највисоката точка во последните години.

Северна Кореја разнесе делови од патот на својата страна од силно милитаризираната граница меѓу двете Кореи, објави началникот на здружениот генералштаб на Јужна Кореја, кој сподели и видео од инцидентот.

Северна Кореја денеска соопшти дека околу 1,4 милиони млади луѓе се пријавиле да се приклучат или да се вратат во војската оваа недела, обвинувајќи ја Јужна Кореја за провокативен напад со беспилотно летало што „ја доведе тензијата до работ на војна“.