Ректорската управа на Универзитетот во Белград ја разгледа поканата за дијалог испратена од претседателот на Република Србија, Александар Вучиќ, на 3 февруари 2025 година и, изразувајќи го единството на Универзитетот, одлучи да не ја прифати поканата под овие околности, соопштено е. „Серијата недоследности во јавните изјави на претставниците на државните органи не убедуваат дека дијалогот кој води кон исполнување на барањата на студентите е можен, ниту ефективен, доколку се организира меѓу две страни кои немаат мандат да разговараат за барања и до кои барањата не беа ниту упатени“, се наведува во соопштението.

Српскиот претседател Александар Вучиќ изјави дека разговорите со професорите и претставниците на универзитетите треба да започнат што е можно поскоро.

Претставникот на новиот американскиот претседател Доналд Трамп за специјални мисии, Ричард Гренел, упати остри критики кон косовската влада на премиерот Албин Курти на својот профил на социјалната мрежа Икс.

На предизборниот митинг, косовскиот премиер Албин Курти вети дополнителни одбранбени и безбедносни распределби од една милијарда евра, заедно со купување на хеликоптери Black Hawk и противтенковски ракети Javelin.

Училиштата на грчките острови Санторини, Иос, Аморгос и Анафи ќе останат затворени до петок, поради продолжената сеизмичка активност помеѓу Санторини и Аморгос.

Училиштата на островите Санторини, Иос, Аморгос и Анафи ќе останат затворени до петок, а и понатаму се во сила постоечките препораки за граѓаните, поради сеизмичката активност меѓу Санторини и Аморгс, како што соопштија од Министерство за климатски кризи и цивилна заштита на Грција, истакнувајќи дека од 1 февруари биле регистрирани 200 земјотреси со јачина од над три степени, со максимална магнитуда од 4,9 степени, јави дописничката на МИА од Атина.

Студенти на три новосадски факултети во блокада, со поддршка на своите колеги кои пеш пристигнаа од Белград, како и моторџии и граѓани, вчера ги блокираа сите три моста во Нови Сад, на денот кога поминаа три месеци од несреќата кај железничка станица во која загинаа 15 лица.

На социјалните мрежи во Косово се појавија повици за бојкот на трговската мрежа на 10 февруари, како протест против високите цени.