Кремљ соопшти дека одлуката на САД да и дозволи на Украина да користи американско оружје за напади длабоко во Русија ќе ги ескалира тензиите и ќе ги вовлече САД подлабоко во конфликтот.

Рускиот претседател Владимир Путин потпиша декрет со кој нуклеарното оружје останува последната линија на одбраната.

Русија лансираше околу 120 проектили и 90 беспилотни летала во „масовен“ комбиниран воздушен напад врз енергетската инфраструктура на Украина, изјави украинскиот претседател Володимир Зеленски.

Најдобро е земјите кои обезбедуваат оружје за Украина да не поставуваат ограничувања за тоа како силите на Киев можат да го користат, изјави генералниот секретар на НАТО, Марк Руте, при пристигнувањето на состанокот на министрите за одбрана на ЕУ во Брисел.

НАТО многу сериозно го сфаќа прашањето за безбедноста во регионот на Црното Море, ние сме подготвени да го одбраниме секој сојузник, изјави денеска генералниот секретар на НАТО, Марк Руте по средбата со романскиот премиер, Марсел Колаку во седиштето на алијансата во Брисел.

Германскиот канцелар Олаф Шолц ја бранеше својата одлука да му се јави на рускиот претседател Владимир Путин во петокот, велејќи им на новинарите дека тоа било, и сѐ уште е, вистинската одлука.

Германскиот канцелар Олаф Шолц, критикуван за неговиот телефонски разговор со рускиот претседател Владимир Путин, денеска ја потврди поддршката на Германија за Украина и даде уверување дека нема да се донесе одлука за исходот од војната во Украина без Киев.