Градоначалникот на Киев, Витали Кличко, даде интервју за лондонски „Тајмс“ во кое остро го критикуваше украинскиот претседател Володимир Зеленски и го обвини за авторитарно владеење.

Русија е подготвена да разгледа прекин на огнот во Украина за да го отвори патот за трајно решавање на конфликтот, но за време на какво било примирје, Москва сака западните земји да престанат да го вооружуваат Киев и Украина за да престанат да мобилизираат трупи, изјави рускиот амбасадор во ОН. Постојаниот претставник на Русија во ОН, Василиј Небензја, во обраќање во Советот за безбедност на ОН нагласи дека само прекин на огнот не е доволен за да се стави крај на повеќе од тригодишната војна на Москва во Украина.

Рускиот претседател Владимир Путин е подготвен за разговори на високо ниво за Украина, но прво мора да се постигне конкретен резултат преку директни преговори меѓу делегациите, изјави портпаролот на Кремљ, Дмитриј Песков, објавија руските државни медиуми.„Претседателот Путин ја поддржува можноста за лична средба со Володимир Зеленски, како и со Доналд Трамп, но таквите контакти бараат добра подготовка“, изјави Песков пред новинарите, пренесе новинската агенција РИА Новости.

Колку што ми е познато сè уште не е добиен никаков одговор … Ние чекаме одговор од украинската страна, посочи Песков.

„Мониторингот (на договорот) ќе го вршат меѓународни партнери“, рече функционерот, осврнувајќи се на украинскиот меморандум, пренесе Киев Индипендент.

Москва одбива предвреме да го предаде својот нацрт меморандум за крај на војната во Украина пред можната рунда преговори во Истанбул на 2 јуни.

Претседателот на Украина, Володимир Зеленски, денес изјави дека Русија прави сè за да се осигура дека најавените разговори во Истанбул на 2 јуни нема да доведат до резултати.

Портпаролката на руското Министерство за надворешни работи, Марија Захарова, изјави дека руската делегација предводена од помошникот на рускиот претседател, Владимир Медински, ќе пристигне во Истанбул на состанок со украинските преговарачи на 2 јуни.