Израелската разузнавачка служба Мосад поставила мала количина експлозив во 5.000 пејџери од тајванско производство, нарачани од либанската група Хезболах неколку месеци пред детонациите во вторникот, објави Ројтерс, цитирајќи неименувани либански извори.
Хезболах го обвини Израел за експлозиите на пејџери низ Либан во кои беа повредени близу 3.000 луѓе и се закани со одмазда.
Стотина борци на Хезболах се повредени откако преносни пејџери користени од оперативци на Хезболах експлодираа во бејрутскиот кварт Дахија, објави новинската агенција Ројтерс, цитирајќи неименуван безбедносен извор.
Најмалку осум загинати и илјадници повредени има во експлозии на пејџери во Либан.