Технолошкиот гигант „Мајкрософт“ објави дека руски агенти ја насочиле својата активност кон претседателската кампања на Камала Харис, кандидатката на Демократската партија за претседател на САД, јави ДПА.
„Во последните два месеца, забележавме значителна промена во тактиката на руските операции за влијание, што ја одразува променливата политичка клима во САД“, напиша генералниот менаџер на Центарот за анализа на закани при „Мајкрософт“, Клинт Ватс, во блог објавен на официјалната страница на компанијата.