Еден ден откако илјадници членови на Хезболах беа ранети, а некои убиени, во Либан се пријавени неколку експлозии преку рачни радио станици, во кои се повредени повеќе од сто лица.
Хезболах вети дека ќе одговори на вчерашниот израелски напад во кој се убиени неколку луѓе и рани илјадници низ Либан, кога пејџери што припаѓаат на членови на групата поддржана од Иран експлодираа речиси истовремено, што откри масивен безбедносен пробив и ја покажа големината на израелското разузнавање, објави Си-Ен-Ен, пренесе МИА.
Стотици членови на либанската вооружена група Хезболах, вклучително и борци и медицински лица, беа тешко ранети денеска кога експлодираа пејџерите што ги користат за комуникација, изјави извор од безбедносните сили.
Осум лица загинаа, а околу 2.750 се повредени во сомнителни координирани експлозии на рачни телекомуникациски уреди низ Либан, изјави министерот за здравство Фирас Абијад на прес-конференција во Бејрут.