Францускиот претседател Емануел Макрон денеска изјави дека силно ги осудува новите напади на Иран врз Израел, додавајќи дека како знак на неговата посветеност на безбедноста на Израел, мобилизирал воени ресурси на Блискиот Исток.

Генералниот секретар на НАТО, Марк Руте, рече дека претстојниот состанок на ниво на лидери на Контакт групата за обезбедување одбранбена помош за Украина е важен, но дозволата за укинување на ограничувањата на нападите длабоко во Русија мора да биде дадена од одделни земји на НАТО, а не од Алијансата во целина.

На свечена церемонија во седиштето на НАТО во Брисел денеска ќе се одржи примопредавање на должноста генерален секретар на Алијансата меѓу досегашниот вршител на ова функција Јенс Столтенберг и неговиот наследник Март Руте.

Сојузниците во НАТО се соочуваат со сериозни предизвици и мора да работиме на справување со нив, согласно определбата за изградба на побезбеден свет за милијарда наши граѓани, порача новиот генерален секретар на Алијансата, Марк Руте, на прес-конференција во Брисел по неговото денешно стапување на должноста.

Мораме да обезбедиме Украина да опстои како суверена демократска држава, да ги зголемиме издвојувањата за одбранбените трошоци и да зајакнеме нашата колективна одбрана, порача новиот генерален секретар на НАТО, Марк Руте при пристигнувањето на церемонијата на примопредавање на должноста со досегашниот прв човек на Алијансата, Јенс Столтенберг во седиштето на Пактот во Брисел.

Предизборниот штаб на републиканскиот кандидат за претседател на САД, Доналд Трамп, заедно со Републиканската партија, собрале повеќе од 160 милиони долари донации во септември, соопшти денеска штабот на републиканскиот кандидат.

Демократот Тим Волц и републиканецот Џеј-Ди Венс се спротивставија околу кризата на Блискиот Исток, имиграцијата, даноците, абортусот, климатските промени и економијата на потпретседателската дебата на која имаше повеќе политички несогласувања, а помалку лични напади.

Републиканскиот претседателски кандидат Доналд Трамп одби да учествува во интервју „60 минути“ на CBS News, па во шоуто ќе учествува само кандидатката на Демократската партија Камала Харис.

Ураганот „Хелен“ стана вториот најсмртоносниот ураган во САД во последните 55 години, со бројот на загинати над 160, објави Fox News. Повеќе од 160 луѓе загинаа во шест држави – Флорида, Џорџија, Јужна Каролина, Северна Каролина, Вирџинија и Тенеси.

Во соопштението на Белата куќа се наведува дека војниците ќе „поддржат дистрибуција на храна, вода и други животно важни ресурси“.

Специјалниот советник Џек Смит, кој го истражува случајот против Доналд Трамп за обид за незаконска промена на резултатите од изборите во 2020 година, во документот објавен денеска тврди дека републиканецот дејствувал во својство на кандидат и затоа не може да има корист од претседателскиот имунитет.