Израелскиот премиер Бенјамин Нетанјаху изјави дека Израел го менува балансот на силите на северот и дека има „должност“ да му возврати на Иран и дека тоа ќе го направи, пренесе „Тајмс оф Израел“ Нетанјаху беше дециден дека Израел ќе удри врз Иран по нападот од вторникот со над 180 балистички ракети, што Иранците го изведоа како одговор на израелските убиства на лидерите на Хамас и Хезболах, како и агресијата врз Либан.
Американскиот претседател Џо Бајден синоќа изјави дека ако тој беше Израел, ќе разгледав алтернативи за гаѓање на иранските нафтени постројки, додавајќи дека мисли дека Израел сè уште не одлучил како да му одговори на Иран.
Трамп го критикуваше Бајден и отиде чекор подалеку, сугерирајќи дека Израел треба прво да ја „гаѓа нуклеарната инфраструктура“.
Израел не и дал никакви гаранции на американската администрација дека нема да ги таргетира иранските нуклеарни постројки како одмазда за неодамнешниот ракетен напад на Иран, изјави за Си-Ен-Ен неименуван висок претставник на Стејт департментот.