Спасувачките екипи ангажирани во атарот на селото Доња Јабланица во Босна и Херцеговина денеска пронајдоа уште две безживотни тела, со што вкупниот број на локални жители кои загинаа во катастрофалните поплави се искачи на 15. Сабахудин Спаховиќ, кој ги координира спасувачките операции Во име на Управата за цивилна заштита на Федерацијата на Босна и Херцеговина, изјави за медиумите дека до рано попладне, во урнатините биле пронајдени тела на маж и жена.
Условите за пребарување на теренот во Доња Јабланица денеска се нешто подобри, дождот престана да врне, па спасувачите со полн капацитет ја продолжуваат потрагата по настраданите од страшната поплава и одрон на ова место.