Силен земјотрес, според првичните информации со јачина од 6,0 степени според Рихтеровата скала, утрово нешто пред 10 часот ја погоди источна Турција, недалеку од градот Баскил.

Поранешниот шеф на британската армија, генерал сер Мајкл Џексон, почина на 80-годишна возраст, потврди британската армија на мрежата Х. Џексон беше првиот командант на КФОР и потписник на Кумановскиот договор.

Израелскиот премиер Бенјамин Нетанјаху изјави дека му рекол на францускиот претседател Емануел Макрон дека нема да се согласи со договор за прекин на огнот во Либан доколку не престане со повторното вооружување и прегрупирање на Хезболах.

Францускиот претседател Емануел Макрон предупредил за време на состанок дека израелскиот премиер бенџамин Нетанјаху не смее „да ги игнорира одлуките на Обединетите нации“.

Многу луѓе загинаа и се повредени во пожар во привремен камп во теренот на болницата Ал Акса во централниот дел на Појасот Газа, предизвикан од израелски воздушен напад што беше извршен врз болницата пред два дена, јавува Би-Би-Си. Една жена рече дека тоа е „една од најлошите сцени што некогаш ги видела во нејзиниот живот“, додека повредената девојка потврди дека слуша врисоци и лелеци од луѓе заробени во шаторите во кампот.

Во израелски воздушен напад врз дворот на болницата Ал Акса во центарот на Газа синоќа загинаа четири лица, а 40 други беа повредени, според информациите на болницата и претставници на цивилната заштита.

Русија изврши серија напади со беспилотни летала и ракети насочени кон Киев и други украински градови во текот на ноќта, предизвикувајќи пожар во индустриска фабрика во западниот украински регион Тернопил, соопштија украинските власти.