Чешкиот претседател Петр Павел на отворањето на самитот за одбрана во Прага рече дека новоизбраниот американски претседател Доналд Трамп би можел да преговара со Владимир Путин за конечно ставање на крај на руската агресија врз Украина, но оти таков договор најверојатно нема да биде во најдобар интерес на Украина и на Европската унија.

Кремљ го демантираше извештајот на американски медиуми дека рускиот претседател Владимир Путин и новоизбраниот претседател на САД Доналд Трамп разговарале по телефон минатата недела за конфликтот во Украина.

Новоизбраниот претседател на Соединетите Американски Држави, Доналд Трамп телефонски разговарал со рускиот претседател Владимир Путин, пишува „Вашингтон пост“, повикувајќи се на повеќе извори.

Тимот за транзиција на новоизбраниот американски претседател Доналд Трамп синоќа соопшти дека републиканскиот оперативец кој ги претстави потенцијалните контури на мировниот план за Украина со поддршка на САД не зборувал во име на новоизбраниот претседател.

Висок советник на новоизбраниот претседател Доналд Трамп вели дека идната администрација ќе се фокусира на постигнување мир во Украина, наместо да ѝ овозможи на земјата да си ја врати територијата окупирана од Русија.

Американскиот милијардер Илон Маск најверојатно нема да биде во идната администрација на Доналд Трамп, а во исто време расте неговото влијание врз новоизбраниот претседател на Соединетите Американски Држави, објави денеска Си-Ен-Ен, повикувајќи се на повеќе извори.

Бојко Борисов, лидерот на партијата ГЕРБ во Бугарија најави дека сака да биде премиер и дека влада на ГЕРБ е можна со ПП-ДБ, БСП и ИТН, . На денешната конститутивна седница во бугарското Народно собрание тој изјави: – Им се обраќам на сите мои колеги кои сакаат да слушаат: Влада може да се формира без ДПС – Нов почеток и Пеевски, без АПС, за жал без „Преродба“, затоа што сме од многу различни идеолошки семејства и без МЕЧ – рече Борисов.

Германскиот канцелар Олаф Шолц и новоизбраниот американски претседател Доналд Трамп синоќа телефонски размениле мислења за билатералните односи и геополитичките предизвици, соопшти портпаролот на германската влада.

Германскиот канцелар Олаф Шолц изјави во неделата дека ќе прифати гласање за доверба на неговата влада пред католички Божик, потег што ќе го отвори патот за распишување предвремени парламентарни избори по распадот на владејачката коалиција.