Германскиот министер за одбрана Борис Писториус објави дека нема да се кандидира за канцелар на државата на претстојните вонредни избори и најави дека ќе ја поддржи кандидатурата за реизбор на германскиот канцелар Олаф Шолц, јави Дојче веле.

Премиерите на Шведска и Данска денеска изјавија дека не ја исклучуваат можноста саботажа да е причината за оштетените два кабли во Балтичкото Море, посочувајќи на зголемениот ризик од хибридни напади.

Кремљ рече дека е „апсурдно“ да се сугерира дека има каква било вмешаност во штетата предизвикана на два телекомуникациски кабли со оптички влакна во Балтичкото Море.

Украинскиот амбасадор во Велика Британија и поранешен врховен командант на вооружените сили на Украина, Валериј Залужни, смета дека директното учество на автократските сојузници на Русија во војната против Украина укажува дека Третата светска војна веќе започнала.

Во врска со вчерашниот руски напад со суперсонична балистичка ракета врз Украина, поранешниот руски претседател Дмитриј Медведев, сега заменик-претседател на Советот за безбедност, на платформата „Х“ напиша „добивте тоа што баравте.

Украинскиот претседател Володимир Зеленски изјави дека рускиот напад врз Украина со нов тип балистичка ракета е „јасна и сериозна ескалација“ во војната и повика на силна осуда од меѓународната заедница.

Украинскиот претседател Володимир Зеленски во обраќањето пред парламентот вчера сугерираше дека привремената руска контрола врз украинската територија е веројатно неизбежна се додека е на власт рускиот претседател Владимир Путин,. -Украина можеби ќе треба да надживее некого во Москва за да ги постигне своите цели и да ја врати целата национална територија, рече украинскиот претседател во украинската Рада, пренесе Хина.