Третата светска војна веќе почна, изјави поранешниот украински претседател, наведувајќи дека севернокорејските трупи се борат заедно со руските сили и дека Русите користат оружје од иранско производство за напад на неговата нација.

Амбасадорите на Украина и 32-те членки на НАТО денеска во Брисел ќе имаат состанок по руското истрелување минатата недела на експериментална хиперсонична ракета со среден дострел.

Портпаролот на Кремљ, Дмитриј Песков ја обвини администрацијата на американскиот претседател во заминување Џо Бајден дека ги поткопува плановите на новоизбраниот претседател Доналд Трамп за решавање на конфликтот во Украина.

Секој пат кога САД продолжуваат да преземаат непромислени чекори, зголемувајќи ги тензиите околу украинскиот конфликт, Русија мора да одговори на таквата ескалација со мерки без преседан, изјави портпаролот на Кремљ, Дмитриј Песков за телевизијата Русија 24. Указот на рускиот претседател за промена на руската нуклеарна доктрина може да се смета за сигнал до Западот.

Претседателот на Србија, Александар Вучиќ изјави дека вчерашните настани во Собранието, каде дошло до физичка пресметка меѓу пратениците од опозицијата и власта, биле кулминација на сето она што се случувало на улиците во претходните денови, оценувајќи дека тоа е политички автогол на опозицијата.

Претседателот на Србија, Александар Вучиќ, синоќа гостуваше на британскиот јавен сервис Би-Би-Си каде изјави дека цел на државата е да стане полноправна членка на Европската унија и дека никогаш не го признале Косово.

Руските сили напредуваат во Украина со најбрзо темпо од првите денови на инвазијата, заземајќи површина од половина од Лондон минатиот месец, велат аналитичарите и воените блогери.