Американскиот државјанин Еуген Спектор е осуден на 15 години затвор поради собирање генетски податоци за руски државјани за Пентагон, објави денеска руската Федерална служба за безбедност (ФСБ). Според ФСБ, Спектор собирал и пренесувал доверливи биотехнолошки и биомедицински информации, вклучително и државни тајни, на странски субјекти поврзани со Пентагон.

Новоизбраниот американски претседател Доналд Трамп изјави дека американското поседување и контрола на Гренланд е неопходност, но Европската унија нема коментар за тоа.

Данската влада најави огромно зголемување на буџетот за одбрана на Гренланд, неколку часа откако новоизбраниот американски претседател Доналд Трамп ја повтори желбата да ја купи територијата на Арктикот, објави . Данскиот министер за одбрана Троелс Лунд Поулсен рече дека пакетот е „двоцифрена милијарда“ сума во круни, или најмалку 1,5 милијарди долари.

Портпаролот на генералниот секретар на Обединетите нации, Антонио Гутереш ја осуди ескалацијата на конфликтот меѓу Израел и Јемен, велејќи дека израелските воздушни напади врз меѓународниот аеродром во Сана, пристаништата на Црвеното Море и електраните се алармантни, изразувајќи загриженост за ризикот од натамошна регионална ескалација.

Заради безбедност на летовите на цивилните авиони, утрово беа воведени привремени ограничувања за работата на аеродромите во Сочи и Казањ, соопшти руската агенција Росавијација.

Како резултат на насилството во изминатите три дена во Мозамбик, каде опозицијата протестира против прогласената победа на владејачката партија на изборите во октомври, според локална невладина организација, загинале 125 луѓе.