Новоизбраниот американски претседател Доналд Трамп ќе беше осуден за незаконски обид за поништување на резултатот од претседателските избори во 2020 година, кои ги загуби, доколку не беше успешно реизбран на функцијата во 2024 година.

Американскиот специјален обвинител Џек Смит поднесе оставка од Министерството за правда, по завршувањето на кривичните истраги против новоизбраниот американски претседател Доналд Трамп во врска со неговите наводни обиди да го смени неговиот изборен пораз во 2020 година – објави денеска „Политико“.

Русија е подготвена да ги проучи мировните иницијативи на новоизбраниот американски претседател Доналд Трамп за војната во Украина, кога следната недела ќе ја преземе функцијата, изјави денеска шефот на руската дипломатија Сергеј Лавров.

Новоизбраниот американски претседател Доналд Трамп во понеделникот изјави дека ќе се сретне со својот руски колега Владимир Путин многу брзо откако официјално ќе ја преземе функцијата следната недела.

Откако се појави можноста за средба меѓу Доналд Трамп и Владимир Путин, српскиот претседател Александар Вучиќ најави дека Србија би можела да биде домаќин на историската средба.

Вучиќ изјави дека Србија е „земјата во која Трамп има најголема поддршка во цела Европа“, нагласувајќи ја и популарноста на Путин.

Премиерот на Гренланд, Мут Б. Егед изјави дека данската автономна територија е отворена за поблиски врски со САД, пред сè во областа на рударството.

Републиканските пратеници во Претставничкиот дом на САД се обидуваат да добијат поддршка за нацрт-законот со кој се овластуваат разговори за купување на Гренланд, според нацрт-законот „Да го направиме Гренланд повторно голем“, чии копии беа дистрибуирани денеска, јавија американските медиуми.

Републиканските сојузници на новоизбраниот американски претседател Доналд Трамп во Претставничкиот дом на американскиот Конгрес вчера го ставија во оптек нацрт-законот за одобрување преговори за купување на Гренланд, барајќи поширока поддршка за тој закон.

Палестинската милитантна група Хамас го прифати нацрт-договорот за прекин на огнот во Појасот Газа и за ослободување на десетици заложници, изјавија двајца неименувани претставници вклучени во преговорите во Доха.

По разговорите во Доха на кои присуствуваа шефовите на израелските разузнавачки служби, пратеникот на Трамп за Блискиот Исток, претставник на администрацијата на Бајден и премиерот на Катар, беше изготвен документ и понуден на потпис на Израел и Хамас, објави белградска Политика.

Американските и арапските посредници постигнаа значителен напредок во посредувањето за прекин на огнот во војната меѓу Израел и палестинската група Хамас и ослободувањето на десетици заложници кои се уште се држат во Појасот Газа, но конечниот договор сè уште не е постигнат, изјавија денеска официјални лица.

Компанијата Блу Ориџин го откажа денешниот обид за лансирање на ракетата Њу Глен додека не се реши „проблемот со потсистемот на возилото“, соопшти компанијата.

Основачот на Амазон, Џеф Безос, изјави дека не мисли оти извршниот директор на СпејсИкс Илон Маск, ќе ги искористи своите блиски врски со новоизбраниот американски претседател Доналд Трамп за да ја поткопа неговата вселенска компанија Блу Ориџин (Blue Origin), додавајќи дека се чувствува „многу оптимист“ за вселенската агенда на претстојната администрација.