Истражителите пронашле птичји пердуви и крв во двата мотори на авионот Џеџу Ер што се урна во Јужна Кореја на 29 декември, изјави за Ројтерс лице запознаено со истрагата.

Израелскиот крајнодесничарски министер за национална безбедност Итамар Бен-Гвир поднесе оставка во знак на протест против прекинот на огнот меѓу Израел и Хамас во Појасот Газа, објавија денеска израелските медиуми.

Воениот кабинет на Израел денеска гласаше за одобрување на договорот за ослободување на заложниците и примирјето со Хамас што беше постигнато синоќа во Доха, соопшти кабинетот на израелскиот премиер Бенјамин Нетанјаху.

Списокот со имињата на израелските заложници што ќе ги објави Хамас во првата фаза од планираниот прекин на огнот меѓу групата и израелската армија ќе биде достапен наскоро, изјави денеска неименуван член на Хамас, додавајќи дека причината за доцнењето на листата е од техничка природа.

Договорот за прекин на огнот помеѓу Хамас и Израел ќе стапи во сила в недела, во 8:30 часот по локално време, објавија властите на Катар – земја која беше активен учесник во договорите за примирје помеѓу завојуваните страни.

Лидерите на Г7 го опишаа договорот за прекин на огнот во Газа како „важна вест“ и ги повикаа Хамас и Израел да работат на неговото „целосно спроведување“.

Коалициската влада на израелскиот премиер Бенјамин Нетанјаху синоќа по полноќ го одобри договорот за прекин на огнот со Хамас и ослободување на заложниците држени во Појасот Газа во замена за палестинските затвореници, откако претходно беше одобрен и од безбедносниот кабинет.

Новоизбраниот американски претседател, Доналд Трамп, им кажал на советниците дека планира да отпатува во Кина по преземањето на функцијата, објави „Волстрит журнал“, повикувајќи се на извори блиски до разговорите.

Украинските власти презедоа акција против „предавниците“, изјави синоќа претседателот Володимир Зеленски во вечерното обраќање, цитиран од ДПА.