Палестинската милитантна група Хамас денеска ги предаде телата на четворица израелски заложници на Црвениот крст во Појасот Газа.

Хамас е подготвен да ги ослободи сите преостанати заложници во Газа во размена како дел од следната фаза од договорот за прекин на огнот.

Британската невладина организација Оксфам денеска соопшти дека само седум отсто од водата од пред конфликтот сега им е достапна на Палестинците во северниот и јужниот дел на Појасот Газа, што го зголемува ширењето на болестите и ја влошува здравствената катастрофа во енклавата.

Американскиот претседател Доналд Трамп изјави дека Русија има „предност“ во какви било мировни преговори за Украина, бидејќи „зазеде голема територија“.

Американскиот претседател Доналд Трамп во своите најнови изјави даде најнепријателски коментари за Украина досега, нанесувајќи и нов удар на земјата и нов поттик на рускиот претседател Владимир Путин, оценува Си-Ен-Ен. Откако го исклучи украинскиот претседател Володимир Зеленски од првите разговори меѓу САД и Русија за завршување на војната, одржани во Ријад во вторникот, Трамп ја обвини Украина за започнување на конфликт што ја опустоши нејзината земја и уби илјадници нејзини луѓе, објави американската телевизија.

Украинскиот претседател Володимир Зеленски на денешната прес-конференција изјави дека неговата земја се надева на „сојузничка позиција во Европа, ЕУ и САД“ во, како што ја нарече, „неправедната војна“ против Украина, јави Би-Би-Си. – Не е лесно, но Киев работи на тоа, изјави Зеленски, додавајќи дека Украина се обидува да организира средби, без да открие детали за учесниците.

Американскиот потпретседател Џеј Ди Венс го предупреди украинскиот претседател Володимир Зеленски да не го критикува јавно претседателот на САД, Доналд Трамп, зашто, како што вели, таквите забелешки се контрапродуктивни и потенцијално би им наштетиле на односите Киев-Вашингтон.

Британскиот премиер Кир Стармер ќе му го претстави на Доналд Трамп планот според кој околу 30.000 европски војници би биле испратени во Украина за да го обезбедат спроведувањето на евентуалниот договор за прекин на огнот, дознава . Се очекува дека Стармер наскоро детално ќе објасни како европските сили би можеле да го надгледуваат спроведувањето на примирјето, додека од Трамп ќе побара обезбедување на американска воздушна и ракетна поддршка од источна Европа во случај на руско кршење на договорот.

Американскиот сенатор Берни Сандерс го обвини претседателот Доналд Трамп и неговите сојузници дека се ставаат на страната на рускиот претседател Владимир Путин, предупредувајќи дека таквиот сојуз претставува закана за демократските вредности и меѓународните сојузи.