Украинскиот претседател Володимир Зеленски му честиташе на лидерот на конзервативната опозициска демохристијанска партија Фридрих Мерц за победата на неговата партија на германските парламентарни избори и рече дека со нетрпение очекува да работат заедно за да донесе „вистински“ мир во Украина.

Лидерот на германските конзервативци Фридрих Мерц, кој според првичните резултати е фаворит за следен канцелар на Германија, изрази подготвеност брзо да формира ефикасна влада, јави ДПА.

Федералниот судија Карл Николс вчера донесе одлука со која ѝ овозможи на администрацијата на претседателот на САД, Доналд Трамп, да продолжи со планот за распуштање на Американската агенција за меѓународен развој (УСАИД). Со оваа одлука се отвора пат за повлекување на неколку илјади вработени во УСАИД од САД и од странство.

Стотици илјади американски федерални работници добија малку повеќе од 48 часа да објаснат што сработиле во текот на минатата недела, што предизвика конфузија кај клучните агенции додека милијардерот Илон Маск ја проширува својата крстоносна војна за да ја намали големината на федералната влада.

Откако американскиот претседател Доналд Трамп на својата платформа Truth Social напиша дека Илон Маск врши одлична работа, но дека може да биде поагресивен во напорите да ја намали федералната влада, стигна одговорот на Маск.

Конзервативецот Фридрих Мерц, чијашто коалиција ЦДУ/ЦСУ победи на парламентарните избори во Германија, вчера веднаш по победата изрази сомнеж за тоа дали НАТО ќе опстане во својата „сегашна форма“ до самитот во јуни, откако претседателот на САД, Доналд Трамп, изјави дека Европа мора да воспостави независни одбранбени капацитети.

Францускиот претседател Емануел Макрон денеска е во Вашингтон за да разговара со американскиот претседател Доналд Трамп за војната на Русија против Украина.