Претседателите на САД и Франција Доналд Трамп и Емануел Макрон се на билатерална средба во Белата куќа, по што ќе одржат заедничка прес-конференција.

Францускиот претседател Емануел Макрон денеска изјави дека некои европски земји би биле подготвени да имаат мировници во Украина како безбедносна гаранција по потпишувањето на мировниот договор, иако тие нема да бидат испратени во првите редови.

Посветеност на ЕУ кон Украина е и ќе остане непоколеблива, бидејќи не е во прашање само правото на Украина да постои како слободна нација, туку и иднината на нашиот европски континент, изјави претседателката на Европската комисија, Урсула фон дер Лајен во обраќањето на заедничката седница на Колеџот на комесари и украинската Влада.

Во Европа имаме право да демонстрираме на мирен начин, но насилството и вандализмот никогаш не се решение, порача претседателката на Европската комисија Урсула фон дер Лајен во врска со денешните насилни протести пред Канцеларијата на ЕУ во бугарскиот главен град Софија.

Ги поздравуваме огромните напори на американскиот претседател Доналд Трамп да ги натера Русија и рускиот претседател Владимир Путин да преговараат, но само Украина е таа што може да одлучи кога ќе бидат исполнети условите за почеток на ефикасни, кредибилни и одржливи мировни преговори, изјави денеска во Киев претседателот на Европскиот совет Антонио Кошта.

Во актуелниот предизвикувачки меѓународен и геополитички амбиент ја нагласуваме важноста од одржување на трансатлантската и глобалната солидарност со Украина, се наведува во заедничка изјава на претседателите на Европскиот совет, на Европската комисија и на Европскиот парламент, Антонио Кошта, Урсула фон дер Лајен и Роберта Мецола по повод третата годишнина од почетокот на руската инвазија врз Украина.

На третата годишнина од руската инвазија на Украина, САД не успеаја да добијат одобрување од Генералното собрание на ОН за својата резолуција со која се повикува на крај на војната без споменување на руската агресија.

Американскиот претседател Доналд Трамп изјави дека САД и Русија разговараат за „големи економски проекти“ како дел од преговорите за Украина.

Во објава на социјалната мрежа Truth Social, Трамп рече дека имало и дискусии за „голем напредок во економскиот развој“ меѓу САД и Русија, додавајќи дека разговорите „одат многу добро“.