Кремљ ја поздрави, како што наведе, „урамнотежената позиција“ на САД во однос на гласањето на Вашингтон во ОН, заедно со Москва, против резолуцијата за Украина подготвена од Киев и Европејците, со која се осудува рускиот напад врз оваа земја.

Советникот за национална безбедност на американскиот претседател, Мајк Волц, денеска изјави дека идејата за влез на Украина во НАТО „не е повторно на маса“, и покрај понудата на украинскиот претседател Володимир Зеленски да се повлече, во замена за членството на неговата земја во тој воен сојуз.

На третата годишнина од рускиот напад врз Украина, лидерот на Христијанско-демократската унија (ЦДУ), Фридрих Мерц, чија коалиција ЦДУ/ЦСУ победи на вчерашните сојузни избори во Германија, повика Киев да се вклучи во мировните преговори.

Конзервативецот Фридрих Мерц, чија коалиција ЦДУ/ЦСУ победи на парламентарните избори во Германија, вчера веднаш по победата изрази сомнеж за тоа дали НАТО ќе опстане во својата „сегашна форма“ до самитот во јуни, откако американскиот претседател Доналд Трамп изјави дека Европа мора да воспостави независни одбранбени капацитети.

Земјата ја посетиле речиси 36 милиони туристи.

Во 2024 година Грција ја посетиле речиси 36 милиони туристи, бројка што е за 9,8 отсто повисока споредбено со една година претходно, а зголемување има и на приходите од туризмот, со што минатата година е рекордна за грчкиот туризам, согласно податоците од Банката на Грција, јави дописничката на МИА од Атина.

Идниот демохристијански канцелар Фридрих Мерц си постави приоритет - да ја развие Европа до степен да биде независна од САД.

По победата на конзервативниот лидер, Фридрих Мерц, на германските избори во неделата, аналитичарите сметаат дека тој е на пат да ги преземе уздите на најголемата економија во ЕУ, а први на нишан веројатно се зелените политики, бегалците и Кина.