Соединетите Американски Држави „веднаш ќе ја укинат суспензијата во размената на разузнавачки информации и ќе ја обноват безбедносната помош за Украина“, се вели во заедничката изјава на САД и Украина, објавена од американскиот Стејт департмент.

Американскиот државен секретар Марко Рубио посочи дека Украина ќе треба да отстапи дел од својата територија како дел од каков било договор за ставање крај на војната.

Претседателот на САД, Доналд Трамп објави дека двојно ќе ги зголеми царините за канадскиот челик и алуминиум од 25 на 50 проценти.

Канадската покраина Онтарио денеска објави дека веднаш ја зголемува цената на електричната енергија за 25 проценти за американските домаќинства, како одговор на царините што неодамна ги воведе американскиот претседател Доналд Трамп.

Европа денес се соочува со истата задача како и пред 70 години, со потребата за изградба на заедничка одбрана насочена кон одвраќање на каков било напад однадвор, затоа што мирот во Европската Унија повеќе не може да се зема здраво за готово, порача денеска претседателката на Европската комисија, Урсула фон дер Лајен во обраќањето пред Европскиот парламент на дебатата посветена на зајакнувањето на европската одбранбена архитектура и поддршката за Украина.

Претседателката на Европската комисија Урсула фон дер Лајен денеска изјави дека ќе се сретне со американскиот претседател Доналд Трамп „кога ќе биде вистинското време“ и најави дека во наредните недели ќе го свика првиот Колеџ за безбедност, кој ќе го сочинуваат сите членови на Европската комисија, со цел редовно да добиваат информации за безбедносните случувања.

Новинарката и уредничка на Радио-телевизија Србија (РТС), Бојана Млаѓеновиќ, се извини откако студенти во Белград ја блокираа зградата на јавниот сервис, реагирајќи на тоа што таа ги нарече „толпа“ (руља) за време на вчерашниот разговор со српскиот претседател Александар Вучиќ.

Стотици демонстранти од доцна синоќа почнаа со блокада на јавниот сервис на Србија во Белград, протестирајќи против начинот на кој беше дефинирано студентското движење против корупцијата за време на телевизиска програма.

Радио Телевизијата на Војводина (РТВ) нема да ја емитува својата редовна програма поради, како што соопштија, студентска блокада на влезот на објектот во Нови Сад, што се случи истовремено со протестите пред седиштето на Радио телевизија на Србија (РТС) во Белград.

Американскиот претседател Доналд Трамп е непредвидлив, изјави премиерот на Гренланд Муте Егеде во интервју за данската телевизија DR, емитувано денеска, во пресрет на парламентарните избори во оваа автономна територија на Данска.

Гренланѓани во вторник излегуваат на парламентарни избори, а во фокусот на изборната кампања беше можната независност на најголемиот остров на светот.

Жителите на Гренланд, територија што е дел од Данска, но ужива автономија, денеска гласаат за нов парламент.