Американскиот државен секретар Марко Рубио денеска објави дека САД официјално затвораат 83 отсто од програмите на Агенцијата за меѓународен развој (УСАИД). „По шестнеделен увид, официјално прекинавме 83 отсто од програмите на УСАИД, 5.200-те договори кои сега се откажани, потрошиле десетици милијарди долари на начини што не користел, а во некои случаи дури и им наштетиле на основните национални интереси на САД“, објави Рубио на платформата X. Според него, по консултациите со Конгресот, останатите 18 проценти од програмите, што е приближно 1.000, ќе ги управува Стејт департментот „поради поефикасна администрација“.

Поранешниот гувернер на централната банка Марк Карни победи во трката за лидерство на канадската владејачка Либерална партија и ќе го наследи Џастин Трудо на премиерската функција, покажаа официјалните резултати објавени во текот на викендот.

Следниот канадски премиер помогна во управувањето на две економии на Групата седум во криза претходно и сега ќе се обиде да ја води Канада низ претстојната трговска војна што ја донесе американскиот претседател Доналд Трамп, заканата од анексија и очекуваните федерални избори.

Европскиот увоз на оружје се зголеми за 155 отсто помеѓу 2020 и 2024 година, при што Украина стана најголемиот увозник на оружје по руската агресија во 2022 година, покажуваат податоците на Стокхолмскиот меѓународен институт за мировни истражувања (СИПРИ) објавени денеска.

Гренланѓани во вторник излегуваат на парламентарни избори, а во фокусот на изборната кампања беше можната независност на најголемиот остров на светот.

Почнувајќи од следната година, граѓаните и жителите на Белгија ќе можат да бараат да им се издаде електронска лична карта, јавија локалните медиуми, повикувајќи се на министерот за внатрешни работи, Бернард Квентин.