Еден од најблиските советници на актуелниот американски претседател Доналд Трамп, Илон Маск, изјави дека се надева дека ќе воспостави трговска зона без царини меѓу САД и Европа, пишува Би-би-си. „Се надевам дека ќе се согласат дека и Европа и Соединетите Држави ќе се движат, барем според мене идеално, кон систем без царини, кој во суштина би создал слободна трговска зона меѓу Европа и Северна Америка“, рече Маск, говорејќи на Конгресот на партијата Лега и за време на разговорите со Матео Салвини, италијанскиот вицепремиер.

Стармер и Макрон разговарале по телефон, а францускиот претседател инсистирал на неопходна координација меѓу земјите од Европската унија (ЕУ) и Велика Британија наспроти царините на Доналд Трамп.

Трговска војна не е во интерес на никого, но во моментов ништо не треба да се отфрли, се согласија синоќа британскиот премиер Кир Стармер и францускиот претседател Емануел Макрон, откако американскиот претседател Доналд Трамп воведе нови давачки, соопшти британската влада.

Повеќе од 50 земји стапија во контакт со Белата куќа за да почнат трговски разговори, изјави денеска главниот економски советник на американскиот претседател Доналд Трамп, откако големите нови царини предизвикаа глобални превирања.

Европската комисија следната недела ќе усвои контрамерки како одговор на американските царини за увоз на алуминиум и челик, додека одговорот за воведувањето царини за автомобили и за реципрочните царини од 20 проценти за голем број производи ќе следи по анализа и консултации со земјите-членки.

Стотици илјади луѓе учествуваа на повеќе од 1.400 протести низ сите 50 сојузни држави на САД против претседателот Доналд Трамп и американскиот милијардер Илон Маск, кој е на чело на Одделот за ефикасност на владата (ДОГЕ), објавија светските медиуми.