Главната железничка станица во северозападниот германски град Оснабрик е затворена, а околината е евакуирана откако беа пронајдени четири бомби за кои постои сомневање дека потекнуваат од Втората светска војна, соопшти националната железничка компанија Дојче Бан (ДБ). Ограничувањата што го засегаат меѓуградскиот, дневниот и товарниот сообраќај ќе останат во сила цел ден, а целата област околу станицата е зона за евакуација, соопшти ДБ. Околу 15.400 жители мораа да ги евакуираат своите домови, откако се открија сомнителни бомби на поранешната товарна станица, соопштија градските власти.

Во следните неколку недели Израел ќе почне да дозволува дел од хуманитарна помош да влезе во Појасот Газа „за да се избегнат прекршувања на меѓународните прописи и можни правни проблеми за воените структури кои учествуваат во активните операции“, пишува порталот Унет.

Хамас синоќа истрела 10 ракети кон јужен Израел во најголемиот таков бараж во последните неколку месеци, јави Тајмс оф Израел.

Цената на биткоинот вчера попладне падна под 79.000 долари додека инвеститорите се подготвуваат за продолжување на нестабилноста на глобалните финансиски пазари оваа недела, откако берзите го претрпеа најголемиот пад од 2020 година минатата недела поради американските царини за стоки од остатокот од светот.

Воведувањето тарифи за ненаселените пацифички острови на кои има само пингвини не било пропуст, туку претпазлив потег на администрацијата на Трамп.

Американскиот министер за трговија ја бранеше одлуката на САД да воведат царини на група ненаселени острови каде живеат само пингвини и фоки.

Американскиот претседател Доналд Трамп во неделата рече дека „понекогаш мора да пиете лекови“ на прашањето на новинарите за турбуленциите на светските пазари на капиталот, додавајќи дека тој намерно не влијаел на распродажбата на пазарите, додека фјучерсите укажауваат на уште еден тежок ден на берзата.

Земјите ширум светот се закануваат дека ќе започнат трговска војна со САД откако Трамп најави високи царини за речиси сите земји.