Европската Унија во четвртиот квартал од минатата година забележа суфицит во трговската размена со светот од 113,2 милијарди евра, што претставува негов раст во споредба со претходното тримесечје, кога изнесуваше 107,5 милијарди евра, како и споредено со последните три месеци од 2023 година, кога беше на ниво од 102 милијарди евра, покажуваат податоците на Европската статистичка агенција – Евростат.

Во следните неколку недели Израел ќе почне да дозволува дел од хуманитарна помош да влезе во Појасот Газа „за да се избегнат прекршувања на меѓународните прописи и можни правни проблеми за воените структури кои учествуваат во активните операции“, пишува порталот Унет.

Хамас синоќа истрела 10 ракети кон јужен Израел во најголемиот таков бараж во последните неколку месеци, јави Тајмс оф Израел.

Цената на биткоинот вчера попладне падна под 79.000 долари додека инвеститорите се подготвуваат за продолжување на нестабилноста на глобалните финансиски пазари оваа недела, откако берзите го претрпеа најголемиот пад од 2020 година минатата недела поради американските царини за стоки од остатокот од светот.

Воведувањето тарифи за ненаселените пацифички острови на кои има само пингвини не било пропуст, туку претпазлив потег на администрацијата на Трамп.

Американскиот министер за трговија ја бранеше одлуката на САД да воведат царини на група ненаселени острови каде живеат само пингвини и фоки.

Американскиот претседател Доналд Трамп ги предупреди странските влади дека ќе треба да платат „многу пари“ за да ги укинат огромните царини, окарактеризувајќи ги давачките како „лек“ и дека предизвикуваат поголема болка за глобалните финансиски пазари, јавува Ројтерс.

Американскиот претседател Доналд Трамп во неделата рече дека „понекогаш мора да пиете лекови“ на прашањето на новинарите за турбуленциите на светските пазари на капиталот, додавајќи дека тој намерно не влијаел на распродажбата на пазарите, додека фјучерсите укажауваат на уште еден тежок ден на берзата.