Министерот за надворешни работи и надворешна трговија, Тимчо Муцунски, вчера и денес учествува на Делфи Економскиот Форум што се одржува во Грција, каде се обрати на панел-дискусија на тема: „Дали ЕУ – САД алијансата е надвор од поправка?“ Во своето обраќање, министерот се осврна на европската перспектива на земјите од Западен Балкан, важноста на регионалната соработка, стабилноста на регионот, стратешкото партнерство во рамките на НАТО, како и на соработката со САД и трансатлантската поврзаност.

Грчкиот планински град со античко и историско значење Делфи од денеска до сабота ќе биде домаќин на јубилејниот десетти Економски форум, на кој најавени се над 1.000 говорници од 55 земји, меѓу кои и министерот за надворешни работи и надворешна трговија Тимчо Муцунски, кој утре ќе учествува на панел-дискусија, јави дописничката на МИА од Атина.

Во државата има само двајца инспектори за води, новиот закон за води сеуште не е усвоен, а сегашната правна рамка не ги вклучува клучните елементи од Рамковната директива на ЕУ, која е главен документ за зачувување на реките во европските држави.

Дел од реката Вардар, кај Демир Капија, да биде прогласен за заштитено подрачје, воведување на Рамковната директива за води на ЕУ, да се работи на промена на политиките, на засилување на инспекцискиот надзор се дел од заложбите на „Екосвест“, со цел подобро управување со водите.

Фридрих Мерц, кој најверојатно ќе биде новиот германски канцелар, изјави дека се залага за трговија без царини меѓу САД и Европската унија и рече дека 90-дневната пауза на царините наметнати од американскиот претседател Доналд Трамп е доказ дека обединетиот европски пристап има позитивен ефект.

Партиите ЦДУ/ЦСУ и СПД денеска постигнаа договор за коалицијата што ќе ја формира владата во Германија во следните четири години, а во германските медиуми, но и на социјалните мрежи веднаш започна дискусија: Како ќе се вика новата коалиција?

Претседателот на Христијанско-демократската унија (ЦДУ), Фридрих Мерц, и веројатен иден германски канцелар, изјави при претставувањето на коалицискиот договор на идната демохристијанско-социјалдемократска влада во Берлин дека договорот претставува силен сигнал за Германија, но и за Европската унија.

Преку заедничка министерска одлука на грчките министри за миграција и азил и за надворешни работи, Северна Македонија и Албанија, Грција ги карактеризира како безбедни земји за баратели на меѓународна заштита кои преку границите од овие држави нелегално влегле на грчка територија, а истото важи и за Турција, но за мигранти, кои се од Сирија, Авганистан, Пакистан, Бангладеш и Сомалија, јави дописничката на МИА од Атина. министерска одлука трети земји Грција Нашата земја веќе неколку години е вклучена на грчката листа со „безбедни трети земји“, а новата министерска одлука е издадена со промени и појаснувања што се однесуваат на Турција за одредени категории баратели на меѓународна заштита.

Прес-конференција на министерот за европски прашања Орхан Муртезани и министерот за ЕУ прашања на Унгарија, Јанош Бока.

Проширувањето на ЕУ со Западниот Балкан и интеграцијата на Македонија во Унијата е незавршен процес.

Министерот за европски прашања на Унгарија, Јанош Бока, кој е во посета на Македонија, денеска на предавање на Универзитетот „Скопје“, истакна дека Европската Унија се наоѓа пред нова ера и потребни се промени за адаптација на новата реалност.