Силен земјотрес со јачина од 6,2 степени според Рихтеровата скала го погоди денеска Истанбул.

Земјотрес со јачина од 6,2 степени според Рихтеровата скала го погоди денеска регионот на Истанбул, јавија турските медиуми, повикувајќи се на извештај на Дирекцијата за управување со катастрофи и вонредни состојби (АФАД). Земјотресот се случил во 12:49 часот по локално време, откако на истата локација во 12:13 часот бил регистриран земјотрес од 3,9 степени.

Американскиот претседател Доналд Трамп повторно го засили притисокот врз украинскиот претседател Володимир Зеленски, повикувајќи го да прифати мировен договор за ставање крај на војната во Украина.

САД денеска очекуваат одговор од Украина за рамката за мир, која вклучува американско признавање на Крим како дел од Русија и неофицијално признавање на руската контрола врз речиси сите области окупирани по инвазијата во 2022 година, според извори директно запознаени со предлогот, информира „Аксиос“.

Српскиот претседател Александар Вучиќ изјави на ТВ Пинк дека граѓаните и студентите кои го блокираат РТС извршуваат „злосторство без преседан“, додавајќи дека никој не сака да покаже дека е посилен преку насилство, туку дека е јасно кој е најсилен во државата и дека државата има монопол на физичката принуда.

Студентите и граѓаните кои учествуваат во блокадите „ќе продолжат со насилства“, а државата „ќе го избере моментот кога насилството ќе заврши“, изјави вечерва српскиот претседател Александар Вучиќ, јави дописникот на МИА од Белград.

Американскиот претседател Доналд Трамп изјави дека ќе биде „многу љубезен“ со Кина во евентуалните трговски преговори и дека американските давачки ќе бидат намалени доколку двете држави постигнат спогодба.

Американскиот претседател Доналд Трамп сигнализираше потенцијален пресврт на неговата трговска војна со Кина во услови на континуирана нестабилност на пазарот, велејќи дека високите царини за кинески стоки „значително ќе се намалат, но нема да бидат нула“, објави Си-ен-ен, пренесува ЦивилМедиа.

Светскиот економски форум поведе истрага против својот основач и долгогодишен претседател Клаус Шваб поради евентуални малверзации.

Светскиот економски форум (СЕФ) ги истражува наводите за финансиско и етичко недолично однесување во кое се вклучени неговиот основач и долгогодишен претседавач, Клаус Шваб, како и неговата сопруга – потврди организацијата.