Израел го повика палестинското исламистичко движење Хамас да го прифати предлогот на САД за прекин на огнот во Газа и ослободување на заложниците или ќе се соочи со „уништување“.Израел се соочува со растечки меѓународен притисок поради војната во Појасот Газа и хуманитарната ситуација на палестинската територија, каде што блокадата што траеше повеќе од два месеци, делумно олесната минатата недела, доведе до сериозен недостиг на храна, лекови и други основни потреби.
Белата куќа вчера соопшти дека Израел се согласил со планот на американскиот пратеник Стив Виткоф и дека се чека официјален одговор од Хамас.
Извор близок до деталите изјави за Џерусалем пост дека Хамас се чувствува измамен од страна на американската администрација, верувајќи дека е „изигран“ со предлог кој е пристрасен кон Израел и не гарантира крај на војната.
Израел ја блокира целата хуманитарна помош освен онаа што на „капки“ се слева во Газа, објави Канцеларијата на Обединетите нации за координација на хуманитарни прашања (OCHA), при што речиси и да нема готова храна што влегува во областа, која нејзиниот портпарол ја опиша како „местото со најголем глад во светот“.
