Американскиот претседател Доналд Трамп вчера изјави дека ѝ наложил на американската државна обвинителка Пам Бонди да достави „релевантно“ сведочење поврзано со случајот на осудениот сексуален престапник Џефри Епштајн.

Заменик-директорот на Федералното истражно биро (ФБИ) Ден Бонгино размислува за оставка поради ескалацијата на конфликтот меѓу агенцијата и Министерството за правда на Соединетите Американски Држави во врска со обработката и објавувањето на досиејата поврзани со финансиерот Џефри Епштајн, соопштија извори блиски до агенциите.

Белата куќа соопшти во дека претседателот на САД, Доналд Трамп, бил подложен на медицински тестови за „благ оток“ во нозете и модринки на едната рака, што ja открива состојбата на вените, честа појава кај луѓето над 70 години.

Претседателот на САД, Доналд Трамп, во разговор со својот украински колега, Володимир Зеленски, изјави дека Украина мора да премине во офанзива, објави „Вашингтон пост“, повикувајќи се на украински функционер запознаен со разговорот.

Европската комисија предложи зголемување на таксата за дозвола за безвизно патување во ЕУ за странци од 7 на 20 евра поради инфлацијата, соопшти Комисијата.

Русија создаде одреден имунитет кон западните санкции и се прилагоди на нив, соопшти Кремљ, откако Европската Унија се согласи на 18-ти пакет санкции против Москва, кој вклучува мерки насочени кон нејзината нафтена индустрија.

Кремљ ги предупреди и обвини европските земји за агресивна милитаризација и уште еднаш навести дека Русија би можела да користи нуклеарно оружје.

Германскиот канцелар Фридрих Мерц призна дека Европа досега користела голем дел од американската одбрана и безбедност, но сега е решена да вложи повеќе сопствени ресурси… Во интервју за BBC, тој истакна дека Европа мора да преземе поголема одговорност и дека Германија веќе зголемува одбранбени трошоци за да ја зајакне својата армија… Мерц беше во посета на Велика Британија каде што потпиша историски договор за пријателство кој, покрај одбраната, се фокусира и на миграцијата… Овој договор го комплетира триаголникот на соработка меѓу Германија, Велика Британија и Франција, со цел подобрување на безбедноста, надворешната политика и економскиот раст во Европа… Во интервјуто, Мерц исто така зборуваше за добрата комуникација со американскиот претседател Доналд Трамп и за зголемената поддршка за Украина, вклучувајќи и стабилна испорака на оружје… Тој изрази надеж дека новите мерки ќе ја зајакнат европската одбрана и ќе ја намалат зависноста од САД.

Западните елити се стремат да добијат однапред обезбеден пристап до ретки земни метали во земјите од глобалното мнозинство преку водење неоколонијална политика што се граничи со грабеж, изјави портпаролката на руското Министерство за надворешни работи, Марија Захарова, во колумна за весникот „Росијскаја газета“ под наслов „Неоколонијализам“, објави ТАСС.

Портпаролката на руското Министерство за надворешни работи, Марија Захарова, синоќа изјави дека Москва има право да ги напаѓа воените објекти на земјите што ја снабдуваат Украина за удари длабоко во Русија.