Годишниот раст на вкупните депозити во октомври изнесува 11,0%, а произлегува од зголемените депозити на двата сектора, со поизразен придонес на секторот домаќинства.

Инфлацијата во Европската унија благо забрза во октомври, објави европската статистичка служба, истовремено потврдувајќи ја прелиминарната проценка за еврозоната, која покажува и посилен раст на потрошувачките цени.

Утре времето ќе биде претежно облачно со врнежи од дожд, попладне во западните делови ќе бидат пообилни (над 40 l/m 2 ). Ќе дува засилен јужен ветер, кој во текот на ноќта ќе го промени правецот во северен (над 70 km/h). Врнежите од дожд најпрвин на планините ќе преминат во снег и ќе се формира снежна покривка.

Во големото апсење во Србија поврзано со падот на настрешницата на железничката станица во Нови Сад уапсени се министерот за градежништво, транспорт и инфраструктура на Србија во оставка Горан Весиќ, в.д. директорката на Железничката инфраструктура на Србија Јелена Танасковиќ, поранешниот директор на компанијата Небојша Шурлани и Анита Додовски, в.д. помошничка на министерот за железнички и интермодален транспорт.

Вишото јавно обвинителство во Нови Сад соопшти дека вкупно 11 лица се уапсени и приведени во врска со трагедијата во Нови Сад, кога при падот на настрешницата на железничката станица загинаа 15 лица, а двајца беа тешко повредени.

Американската амбасадорка Анџела Агелер изјави дека „црната листа“ на САД е многу динамична и дека постојано се дискутира за нови имиња.

Во изјава за медиуми денеска амбасадорката на САД, Анџела Агелер, вели дека „во Вашингон постојано се разгледуваат имиња од Македонија кои можат да се најдат на црната листа поради корупција“.

Министерството за животна средина и просторно планирање ја информира јавноста дека Владата на Република Македонија, со цел заштита на животот и здравјето на граѓаните и намалување на емисиите на загадувачки супстанции при алармантно загадување на воздухот, усвои Акциски план со краткорочни мерки за намалување на емисиите на загадувачки супстанции, согласно кој донесе Наредба за воведување на мерки за намалување на емисиите на загадувачки супстанции при надминување на праг на информирање.