Зелениот картон е во функција и тој е потребен – велат од Националното биро за осигурување.

„Прашањето за спојување на ЗК и вклучување на премијата од ЗК во полисата за осигурување од Автомобилска Одговорност е доста комплексно и сериозно прашање кое подлежи на меѓународна и домашна регулатива.

Точно е дека на оваа тема се разговара во регионот, но во моментов нема консензус ниту заеднички став, бидејќи членките држави на CEFTA имаат во примена сосема различни модели на функционирање на системот на зелена карта.

А измените околу зелениот картон зависат од: · Внатрешните одредби и Интерните регулативи (IR) на Советот на Бироа – Брисел · Законот за Задолжително осигурување во сообраќајот · Склучените билатерални договори помеѓу Националните Бироа во регионот и пошироко · Имплементираниот Тарифен систем и Правилниците на НБО ( Национално Биро за осигурување) за обработка и плаќање на штети по ЗК според Внатрешните одреби на Советот на Бироа- Брисел Точно е дека во CEFTA Секретарјатот е отворено прашањето за некакви промени околу ЗК, но станува збор само за еднострано мислење и видување на начинот и потребата од користење односно не користење на Зелениот Картон (ЗК) како документ за влез со моторни возила во државите од CEFTA.

Непрактичноста на идејата за укинување на ЗК само за државите од CEFTA е дотолку повеќе што граѓаните пак ќе користат ЗК за влез во било која друга држава членка на ЕУ и потписнички на Мултилатералната спогодба одобрена од Советот на Бироа-Брисел.