Во насока на создавање трајни културни вредности и промовирање на македонската култура, издавачката куќа „Арс Ламина“ и Движењето за поддршка на креативноста „Иво Лауренчиќ“ – „Браво сине!“, почнаа нов проект – едицијата Вистински бајки од Македонија.

Станува збор за литераризирани и илустрирани биографии, наменети за деца над 6-годишна возраст, кои веќе имаат читачки основи и можат самостојно да ги совладуваат читачките препреки.

Целта на Вистински бајки од Македонија е децата уште од најрана возраст да се запознаат со најважните личности од нашата историја, кои нè задолжиле да го чуваме свеж споменот на нив и да се грижиме за делото што го оставија зад себе.

Ние ќе продолжиме да работиме на проекти кои ќе ги јакнат позициите на македонската култура – истакна , член на Управниот одбор на Движењето за поддршка на креативноста „Иво Лауренчиќ“ – „Браво сине!“. Првите четири книги од оваа серија се посветени на животот и делото на Блаже Конески, Мајка Тереза, Браќата Манаки и Марко Цепенков.

Овие личности се вистинските херои на своето и на нашето време, но и на времето што е пред нас, затоа што нивните идеали и вредностите кон кои се придржувале и ги промовирале се универзални, општочовечки, а сепак многу важни за развојот на македонската култура.

Фотографскиот материјал даден во прилог на изданијата е исто така отстапен од овие институции.

Во рамките на досегашната соработка помеѓу издавачката куќа „Арс Ламина“ и Движењето за поддршка на креативноста „Иво Лауренчиќ“ – „Браво сине!“, досега се издадени 80 бајки од Македонија и четири басни од Македонија.

Најмалку што можеме да направиме за нив е да ги чествуваме во вакви публикации, мотивирани од искрена и силна почит кон нив и од љубов кон иднината на генерациите што доаѓаат – истакна , директорка за издаваштво на „Арс Ламина“.

Во процесот на создавање на овие дела голем придонес даде и поддршката од Државниот архив, Архивот „Харалампие Поленаковиќ“ при МАНУ, Институтот за фолклор „Марко Цепенков“ и НУ Спомен-куќа на Мајка Тереза.

На досегашните јавни конкурси за креирање на овие дела се пријавиле над 100 дизајнери – илустратори од земјата и 313 автори кои доставиле 442 текста за новите едиции на „Современи бајки од Македонија“.