Лари Елисон / Фото: Flickr / Oracle PR Илон Маск повеќе не е најбогат на светот Со пораст од неверојатни 40% на акциите на „Оракл“ (“Oracle”) во еден ден, коосновачот и технички директор на компанијата, Лери Елисон, ја зголеми својата нето-вредност за 101 милијарда долари, достигнувајќи вкупно 393 милијарди долари, јавија светските медиуми. Тоа е најголемиот еднодневен раст во историјата на компанијата.

Лари Елисон се приближува кон Илон Маск додека се стреми да стане најбогатиот човек во светот, објави Блумберг. Неговото богатство скокна за 70 милијарди долари откако Oracle ги објави кварталните резултати по затворањето на тргувањето во Њујорк во вторник (9 септември). Нејзините финансиски податоци ги надминаа очекувањата, а компанијата соопшти дека има уште раст во иднина.

Претседателот на Соединетите Американски Држави, Доналд Трамп, се обрати до нацијата по повод трагичната смрт на Чарли Кирк, млад конзервативен активист и основач на „Турнинг поинт оф УСА“ (Turning Point USA), кој беше смртно застрелан за време на настап на Универзитетот Јута Вали во среда вечерта. Во четириминутно телевизиско обраќање, Трамп изрази длабока тага и сочувство, нарекувајќи го сторителот „чудовиште“ и велејќи дека „ова е мрачен момент за Америка“.

Во чест на Чарли Кирк, кој беше убиен додека држеше говор на Универзитетот во Јута, американскиот претседател Доналд Трамп нареди знамињата да бидат спуштени на половина копје низ САД до недела навечер, а реакции за убиството и изрази на сочувство доаѓаат од бројни политички лидери. „Во чест на Чарли Кирк, вистински голем американски патриот, наредувам сите американски знамиња низ САД да бидат спуштени на половина копје до недела навечер во 18 часот“, напиша Трамп на својата социјална мрежа Truth Social.

Тројца починати работници и двајца тешко повредени е билансот од тешката сообраќајна несреќа на експресниот пат Штип-Радовиш, каде утринава од мостот на Балталиска Река, во близина на штипското село Лакавица, излета комбе во кое се превезуваа работници. Директорот на ЈЗУ Здравствен дом „Панче Караѓозов“, Горан Андонов вели дека медицинскиот тим на Итната медицинска помош на лице место констатирале смрт на две лица, третиот работник бил реанимиран, но им подлегнал на повредите.

Претседателот на Социјалдемократскиот сојуз на Македонија, д-р Венко Филипче, на денешната седница за пратенички прашања го повика премиерот Мицкоски да одговори зошто не дозволува декласификација на сите материјали поврзани со случајот со Агенцијата за национална безбедност (АНБ). Филипче истакна дека е важно да се расчисти овој случај, не само за јавноста да ја дознае вистината, туку и за да не се фрли дамка врз професионалците вработени во АНБ, кои изминатиот период речиси и не беа споменувани. „Зошто не дозволувате декласификација на сите тие материјали, секако со заштита на идентитетот на сите луѓе чии што податоци треба да останат доверливи, за јавноста конечно да дознае дали имало злоупотреба или не. Дали некој го прекршил законот или не? Треба ли некој да одговара?“, праша Филипче.

Скандалот што го отвори ВМРО-ДПМНЕ околу наводна злоупотреба на Агенцијата за национална безбедност е уште една политичка конструкција без покритие, со единствена цел да се дефокусира јавноста и да се креира лажна слика пред избори. Тоа денеска го истакна претседателот на СДСМ, Венко Филипче, кој повторно ги повика институциите – веднаш и целосно да ги декласифицираат документите за случајот.

На Дрисла и денеска сѐ уште има големо чадење, но во Скопје не се чувствува чадот затоа што ветрот дува во спротивна насока. Таму и понатаму се одвива затрупување со земја на најкритичните делови каде уште гори.

Првиот човек на Дирекцијата за заштита и спарување, Стојанче Ангелов ќе побара од надлежните институции да се направат дополнителни испитување на составот на отпадните води кои се создаваат на депонијата Дрисла и да се утврди каква е опасноста од нив. Нагласи дека по изборите ќе се пристапи кон трајно решавање на состојбата на депониите Дрисла и Вардариште.