Полицијата од Куманово поднесе кривична пријава против петмина на возраст од 51 до 61 година, сите вработени во Агенцијата за храна и ветеринарство на различни позиции, кои ја злоупотребиле нивната службена положба и свесно исплаќале плати и придонеси на еден од осомничените, кој бил вработен како архивар, знаејќи дека тој скоро шест години воопшто не се појавил на работа. „СВР Куманово поднесе кривична пријава против Р.Е.(51) од с.Слупчане, општина Липково, З.А.(59) од Скопје, Н.Б.(61) од Битола, А.Б.(59) од Скопје и С.К.(58) од Штип поради постоење основи на сомнение за сторено кривично дело „злоупотреба на службена положба и овластување“, се вели во полициското соопштение.

Кривична пријава е поднесена против петмина вработени во Агенцијата за храна и ветеринарство за „злоупотреба на службена положба и овластување“, информираат денеска од Министерството за внатрешни работи. Секторот за внатрешни работи – Куманово поднесе кривична пријава против Р.Е.(51) од село Слупчане, општина Липково, З.А.(59) од Скопје, Н.Б.(61) од Битола, А.Б.(59) од Скопје и С.К.(58) од Штип, поради постоење основи на сомнение за сторено кривично дело „злоупотреба на службена положба и овластување“.

Во изминатите два дена и по извршените претреси на локацијата „Вардариште“ по наредба на судија на претходна постапка, обезбедени се докази кои даваат основано сомнение дека три лица сториле кривично дело – Загрозување на животната средина и природата со отпад од член 230 став 1 од Кривичниот законик, велат од ОЈО. Поднесена е кривична пријава по брза постапка до ОЈО Скопје против М.М.(54), А.А.(28) и Ф.А.(41), сите од Скопје.

Судењето за случајот „Штекли“, во кој повеќе лица се обвинети за организирана продажба на дрога, продолжува денеска пред Основниот кривичен суд Скопје со сведочење на вешти лица на Обвинителството за психолошката состојба на Раде Трајковски. На претходното рочиште сведочеше вештото лице на одбраната, психијатарот Ѓорѓија Хаџи Ангелковски, кој го оцени обвинетиот Раде Трајковски – Штекли како психотичен, со шизофрени карактеристики.

На денешното судење за случајот „Штекли“, кој се однесува на организирана продажба на дрога во скопската населба Аеродром, пред Основниот кривичен суд Скопје ќе се разгледуваат психијатриските вештачења за обвинетиот Раде Трајковски – Штекли, доставени од одбраната и обвинителството. Адвокатите тврдат дека Трајковски има психичко растројство со шизофрени елементи, халуцинации и со параноидни идеи, поради што не може да ја следи постапката.

Одложена е Комисијата за надзор над работата на Агенцијата за национална безбедност и на Агенцијата за разузнавање во врска со актуелните сомнежи за незаконско прислушување од Агенцијата за национална безбедност (АНБ), кое се вршело во периодот од 2019 до 2024 година. Од собраниските служби нема образложение за одложувањето на седницата.

„ЈО да не молчи, истрага за следењето и прислушкувањето веднаш, и одговорност за извршителите и наредбодавачите. ЈО на Љупчо Коцевски молчи со денови откако се обзнани скандалозно следење на службите на претседателот Мицкоски, новинари и бизнисмени“ рече денеска на прес-конференција пратеникот од ВМРО-ДПМНЕ, Бране Петрушевски.