СВР Скопје го расчисти случајот со нападот врз девојче од Чаир, извршен од страна на малолетнички, кои го снимале настанот и го објавиле на социјалните мрежи. По преземени мерки и активности од страна на полициски службеници од ЕВР Центар и Бит Пазар, утврдено е дека на 20.06.2025 околу 14:00 часот на ул. „Павле Илиќ“ во Скопје, во близина на угостителски објект, 11-годишно девојче било физички нападнато од страна на три девојчиња, а едно девојче го снимало нападот со мобилен телефон.

Додека на Македонија ѝ се случува масовен егзодус, владејачкото мнозинство, заглавено во политичка ароганција, нема никаков слух за суштинските потреби на младите, велат од Левица. На денешната собраниска седница, само 19 пратеници гласаа „За“ пакетот закони поднесен од Левица, со кои се адресираа најгорливите проблеми на младите и младите семејства (како домување и економска сигурност), соопшти партијата.

Левица попладнево критикува дека власта е глува пред крикот на младите откако не се изгласа пакетот на закони поднесен од партијата во опозиција. Според пратеничката Јована Мојсоска, додека на Македонија ѝ се случува масовен егзодус, владејачкото мнозинство, заглавено во политичка ароганција, нема никаков слух за суштинските потреби на младите.

„ВМРО-ДПМНЕ, политичка партија обвинета за заробување на државата и галопирачка корупција, денес држи лекции за морал и за олигарси. Трагична иронија!

Владејачката партија ВМРО-ДПМНЕ предупредува дека од ДУИ не можат да ја делат Македонија, туку можат да завршат во затвор. Од владејачката ВМРО-ДПМНЕ велат дека ДУИ е во очај и дека лидерот Али Ахмети се враќа 24 години наназад со теми од конфликтот во 2001 година за да ја прикрие, како што велат од партијата, сопствената одговорност за корупцијата, сиромаштијата и за масовното иселување на Албанците и на другите граѓани во изминатите две децении.

Директорот на Службата за општи и заеднички работи при Владата (СОЗР), Ивица Томовски, реагираше на најновите објави за незаконско следење и за прислушување во периодот од 2019 до 2024 година, оценувајќи дека станува збор за скандал „од невидени размери“. Тој вели дека во тој период биле прислушкувани сегашниот премиер и лидер на ВМРО-ДПМНЕ, Христијан Мицкоски, како и новинари, медиуми и бизнисмени.

Општина Кочани доби уште еден независен кандидат за градоначалник. После Венко Крстевски, актуелен в.д. на таа функција, кандидатура поднесе и Зоран Тодоров, чие име беше спомнувано како можен кандидат за градоначалник на една од двете најголеми партии во државата.