Во Културно-информативниот центар во Белград вечерва беше отворена изложбата „Регенерација“ на која се претставија три афирмирани претставнички на современата македонска ликовна уметност, Ана Ивановска, Христина Зафировска и Маја Кировска со обединувачки мотив – рефлексии врз уметникот во годините на пандемијата со Ковид-19. Нивната заедничка ликовна концепција упатува јасно предупредување и порака „да не се предаваме на културата на заборавање, но и во сопствените регенерации низ сите животни процеси и предизвици, да ги имаме културата и уметноста како свои упоришта и сигурни прибежишта“.

Српската жандармерија доцна синоќа употреби физичка сила врз студенти пред Правниот факултет во Белград, по што според студентски тврдења, привела четириесетина студенти како и професорка.

Припадници на Министерството за внатрешни работи во текот на претходната ноќ го проверија идентитетот на вкупно 1297 лица, додека 79 лица беа донесени во службените простории.

Граѓанските блокади продолжија и денес во Белград.

Македонските уметници Сергеј Андреевски и Никола Пијанманов се меѓу деветмината меѓународни уметници кои учестуваат на првата интернационална уметничка работилница со наслов „Поистоветени со хоризонтот“ (“Aligned to the horizon”), во рамки на која вечера во главниот град Хора, на островот Андрос, свечено ќе биде отворена изложбата.

Вечерва, со почеток во 20 часот, во главниот град Хора, на островот Андрос, свечено ќе биде отворена изложбата на првата интернационална уметничка работилница со наслов „Поистоветени со хоризонтот“ (“Aligned to the horizon”). Во текот на јуни, девет меѓународни уметници: Сергеј Андреевски (Скопје), Ан Лизе Бројер (Париз), Стано Бубан (Братислава), Маријана Кацарас (Тунис), Маркос Хаџипатерас (Лондон – Атина), Никола Пијанманов (Струмица), Герлинде Пистнер (Нирнберг), Кристина Рахме (Бејрут) и Карла Салем (Лондон – Бејрут) се нурнаа во пејзажот, архитектурата и приказните врежани во камењата и древните патеки на Андрос – и ги трансформираа овие средби во уметнички дела за време на нивниот престој во резиденцијата „Амалија Гарденс“ во Витали, Андрос.

Од: А1он По повод 200 годишнината од раѓањето на Јохан Штраус, еден од најзначајните композитори на виенската класика, на платото пред Националната опера и балет вечер ќе се одржи гала концертот „Од #MOБ за Скопје“.

Националната опера и балет на 5 јули со почеток во 21 часот на Плоштадот „Мајка Тереза“ (на платото пред МОБ) ќе одржи гала концерт „Од #MOБ за Скопје“.

Синоќа, во исполнетиот простор на Платото пред Офицерски дом во Битола, во рамките на Битолското културно лето „БИТ ФЕСТ”, публиката имаше можност да доживее едно вистинско уметничко патување низ љубовта, болката и надежта преку уникатниот проект „Мевлем”.

Битолското културно лето „Бит фест“, вечерва во Офицерскиот дом во Битола со почеток во 21:00 часот, ќе биде домаќин на прекрасна вечер во која музиката низ Проектот „Мевлем“ ќе зборува за љубовта, болката и надежта… Проектот „Мевлем“, претставува уникатен спој на авторска музика и поезија од композиторот и поет Марко Виденовиќ, кој наиде на извонреден прием и сериозен одек меѓу публиката и културната јавност, како во земјава така и надвор од неа.