Во судар меѓу автобус и патничко возило што се случи утринава на стариот пат меѓу Нови Сад и Инџија, едно лице го загуби животот, а 27 се повредени, од кои четворица имаат тешки телесни повреди, јави дописникот на МИА од Белград.

Министерката за надворешни работи на Германија, Аналена Бербок, на маргините на министерскиот состанок на Берлинскиот процес во Берлин, на средбата со министерот за надворешни работи на Србија Марко Ѓуриќ изјави дека владеењето на правото, ЦЕФТА и нормализацијата на односите со Приштина се централни точки на патот на Србија кон Европската унија, јави дописникот на МИА од Белград.

Србите од Косово масовно се селат поради политиките на Приштина.

Турскиот претседател Реџеп Таип Ердоган денеска изјави дека Турција ќе застане на страна на Либан и ќе ја поддржи земјата со сите нејзини средства, откако Израел изврши напади врз Либан.

Турскиот претседател Реџеп Таип Ердоган рече дека Генералното собрание на Обединетите нации треба да препорача употреба на сила, во согласност со резолуцијата што ја усвои во 1950 година, доколку Советот за безбедност на ОН не успее да ги запре израелските напади врз Газа и Либан.

Премиерот на Црна Гора, Милојко Спајиќ денеска го претстави проектот „Веље Брдо“ со кој е предвидено граѓаните полесно да се стекнат со стан.

Директорот на Директоратот за проширување на Европската комисија, Герт Јан Копман денеска изјави дека првите средства од Програмата за развој на Западен Балкан ќе им бидат исплатени на земјите од регионот до крајот на годинава.

Терминалот за течен природен гас (ЛНГ) во грчкиот град Александруполи од денеска започнува со комерцијална работа, преку кој низа земји од југоисточна и централна Европа, меѓу кои и Македонија ќе се снабдуваат со природен гас, јави дописничката на МИА од Атина.