Интер направи голем кикс во 4. коло од Серија А откако ремизираше на гостински терен кај Монца со 1-1 во натпревар во кој „нероаѕурите“ важеа за апсолутен фаворит.
Екипата на Интер ја пропушти можноста да се искачи на врвот од табелата во Серија А, откако во вечерашниот меч од 4. коло едвај дојде само до реми на гостувањето кај Монца (1-1). Миланезите влегоа како голем фаворит во оваа пресметка, но тоа не го оправдаа на теренот, каде што домашниот тим со борбена игра успеа да им ги неутрализира сите адути во нападот.