Тројца нови членови назначи претседателката Гордана Сиљановска-Давкова на Советот за безбедност, информираат од нејзиниот кабинет.

Претседателката Гордана Сиљановска Давкова, согласно своите уставни надлежности, за членови на Советот за безбедност ги именуваше Малинка Ристевска Јорданова – експерт за евроинтеграции, Џевдет Хајредини – поранешен министер за финансии и Владимир Спиридонов – експерт за климатски промени.

Договорот од Преспа е меѓународен договор има задолжителен карактер, ги обврзува страните и создава обврски што треба во потполност да се почитуваат, посочи министерот за надворешни работи на Грција Јоргос Герапетритис по средбата со неговиот француски колега Стефан Сежурне, јави дописничката на МИА од Атина.

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши намалување на малопродажните цени на нафтените деривати во просек за 1,75 % во однос на одлуката од 11.9.2024 година.

Малопродажната цена на бензинот ЕУРОСУПЕР БС-95 се намалува за 0,50 ден/лит, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 11.09.2024 година и со тоа малопродажната цена на ЕУРОСУПЕР БС-95 изнесува 73,50 ден/лит.

Бугарскиот претседател Румен Радев во прв коментар по средбата со македонската претседателка Гордана Сиљановска Давкова која предизвика реакции поради изоставувањето на македонското знаме на нивната заедичка фотографија во петокот во Софија, нагласува дека нејзината посета не била ниту официјална, ниту работна.

Претседателката Гордана Сиљановска Давкова вчеравечер во Софија присуствуваше на настапот на македонската Национална опера и балет, што во Софиската опера и балет ја изведе операта „Набуко“ од Џузепе Верди.

Министерството за надворешни работи и надврешна трговија утре ќе го повика бугарскиот амбасадор во државава Желјаско Радуков за фотографирањето пред бугарското знаме на претседателите Румен Радев и Гордана Сиљановска на средбата завчера во Софија.

Посетата на претседателот на Република Северна Македонија на нашата земја беше по повод културен настан – не беше ниту државен, ниту работен.

Премиерот Христијан Мицкоски одговарајќи на новинарско прашање како го коментира случајот со претседателката Гордана Сиљановска-Давкова која при нејзината посетата на Софија беше повикана од бугарскиот претседател Румен Радев да се фотографираат пред бугарски знамиња, без да биде поставено македонското знаме, рече дека денеска ќе му биде врачен демарш на амбасадорот на нашиот источен сосед.

Согласно мерењата и набљудувањата на метеоролошките станици во Република Северна Македонија, месец август годинава, се карактеризира како екстремно топол и просечно врнежлив до сушен месец во споредба со многугодишните просечни вредности од 1991 до 2020 година, соопшти Управата за хидрометеоролошки работи.

Европскиот комесар за внатрешен пазар и француски кандидат за член на идната Европска комисија, Тиери Бретон денеска поднесе оставка на функцијата и ја повлече својата номинација за еврокомесар.

Претседателот на Франција, Емануел Макрон денеска го номинира министерот за надворешни работи во заминување Стефан Сежурне за еврокомесар.

Англискиот фудбалски гигант Манчестер Сити по повеќемесечно пролонгирање денеска конечно ќе се соочи со независна истражна комисија во врска со сомневањата за сторени дури 115 финансиски прекршоци.

Хрватскиот ветеран Дејан Ловрен е нов фудбалер на грчкиот шампион ПАОК.

стави потпис на договор со грчкиот клуб и ќе се натпреварува во тамошното првенство.

Голманот на ПСЖ, Џанлуиџи Донарума, поради повреда на мускулот ќе го пропушти првиот натпревар од Лигата на шампионите оваа сезона против Жирона, закажан за в среда во Париз.

Аргентинскиот фудбалски ас Лионел Меси го одигра првиот официјален натпревар од јули оваа година, кога заработи повреда на зглобот и веднаш беше најдобриот фудбалер на Интер Мајами.

Лионел Меси во свој стил се врати во игра за неговиот тим Интер Мајами во победата од 3-1 против Филаделфија Унион во МЛС-лигата.

Во четвртото коло од Премиер лигата, Арсенал дојде до третата победа и тоа градското дерби против Тотнем (0-1). Избраниците на Микел Артета со овој триумф ја продолжија добрата низа против големиот ривал.

Арсенал во четвртото премиерлигашко коло стигна до третата победа оваа сезона, оваа сигурно најзначајна за фановите на „топчиите“ ако се знае дека беше остварена против големиот градски ривал Тотенхем, и тоа на гостински терен со 0-1. Со ова избраниците на Артета ја продолжија успешната серија резултат против омразениот ривал, ако се знае дека на последните пет дуели со Тотенхем фудбалерите на Арсенал имаат четири победи и едно реми.

Фудбалската репрезентација на Англија би можела да биде суспендирана од следното Европско првенство иако е една од земјите каде што ќе се одржува турнирот.

УЕФА ја предупреди Владата на Обединетото Кралство дека Англија ризикува да ја изгуби организацијата на Евро 2028 доколку премиерот Кир Стармер продолжи со плановите за формирање регулатор во машкиот фудбал, објавија британските медиуми.

По двата последователни порази, фудбалерите на Манчестер Јунајтед се вратија на победничкиот колосек во Премиер лигата, каде денеска во 4. коло од натпреварувањето го совладаа Саутемптон на гостински терен, победувајќи со 3:0 (2:0), со головите на Маркус Рашфорд и Матијас де Лихт и Алехандро Гарначо.

Со силни аплаузи синоќа во Софиската национална опера и балет беше поздравена изведбата на оперската претстава „Набуко“ од Џузепе Верди во изведба на македонската Национална опера и балет.

Долорес Лео Поповиќ победи на 32 то издание на фестивалот на камерен театар Ристо Шишков.