Синоќа на магистралниот пат Куманово-Крива Паланка во населбата Карпош се случила сообраќајна несреќа во која малолетник загина, а едно лице се здобило со тешки телесни повреди, соопшти денеска СВР Куманово.

Комисијата за одбележување на празници и манифестации и доделување на награди и признанија од општина Куманово денеска ги повика кумановци да се пријават за општинската награда која се доделува по повод 11 Ноември, Денот на ослободување на Куманово.

Денешниот ден, петок 4 октомври е ден на жалост во Прилеп поради трагичната смрт на трите медицински лица кои вчера изутрината загинаа во тешка сообраќајна несреќа на патот Прилеп-Битола.

Поради трагичната сообраќајна несреќа на магистралниот пат Прилеп-Битола во која загинаа три медицински лица од Прилеп, двајца лекари и радиолошка техничарка, претседателот на Советот на општина Прилеп за 18 часот закажа вонредна седница на Советот со единствена точка на дневниот ред – Предлог-одлука за прогласување на ден на жалост во Прилеп.

АМСМ соопшти дека од 16:25 часот е нормализиран сообраќајот на патот Прилеп-Битола кај селото Лагово.

Пожарот кој вчера утрото избувна во станбена зграда во Чаир сè уште е активен соопштуваат од ЦУК.

Над 100 луѓе се евакуирани од зграда која утрово ја зафати пожар во скопската населба Чаир.

Поради вдишување на чад од пожарот во Чаир до 06:30 часот во Комплекс клиники „Мајка Тереза“ во Скопје за укажување помош се јавиле неколку лица, од кои еден пожарникар и еден полициски службеник, информираат од Министерството за внатрешни работи.

Градоначалник на Каропш, Стевчо Јакимовски, и петмина вработени во оддел за урбанизам во истата општина добија кривична пријава бидејќи на правно лице кое ги раководело тениски терени и дозволиле истите да ги легализира, иако се времени објекти.

По информацијата дека Одделот за криминалистичка полиција при МВР поднел кривична пријава против една скопска општина и пет лица вработени во Секторот за урбанизам и правното лице од Скопје поради сторено кривично дело „Злоупотреба на службена положба и овластување“, од скопската општина Карпош велат „Секторот за урбанизам и правниот сектор во општина Карпош со индигнација ја отфрлаат оваа кривична пријава на МВР, истата ја сметаат за тенденциозна и злонамерна и политички мотивирана“.

Одделот за криминалистичка полиција – Сектор за економски криминал и корупција во координација со Одделот за сузбивање на организиран и сериозен криминал, до Основното јавно обвинителство Скопје, поднесе кривична пријава против градоначалник на една скопска општина, пет лица вработени во Секторот за урбанизам во истата општина и правно лице од Скопје поради постоење основи на сомнение за сторено кривично дело „злоупотреба на службена положба и овластување“.