Вчера во 20.45 часот, полициски службеници од СВР Куманово го лишиле од слобода Л.Ш.(25) од Куманово затоа што истиот ден на улица „Браќа Миладиновци“ во Куманово одзел чанта на Б.В.(79) од Куманово.

Embedded video for Во Куманово отворен конзулат на Србија.

Полициски службеници од ОВР Македонски Брод при СВР Битола, вчера во село Горно Ботушје, општина Македонски Брод, со судска наредба, извршиле претрес во домот на З.В.(55) во село Горно Ботушје, при што пронашле и одзеле ловечка пушка и 35 патрони за пушката.

Министерот за внатрешни работи Панче Тошковски во гостување на ТВ Клан Македонија на прашање за резултатите во борбата против криминалот и корупцијата на новата влада истакна дека општоприфатено во јавноста е дека досегашните реализирани постапки и акции се повеќе од професионално спроведени низ целосниот институционален процес и очекува да ги има што повеќе во иднина.

Агенцијата за аудио и аудиовизуелни медиумски услуги (АВМУ) денеска остро го осуди опожарувањето на возилото на новинарот и сопственик на штипската телевизија М-Нет, Благој Серсемов и ги повика надлежните во најскоро време да го расчистат случајот.

Здружението на новинарите на Македонија (ЗНМ) остро го осудува вандалскиот чин на дрско опожарување на возилото на колегата Благој Серсемов, уредникот на локалната телевизија и онлајн медиум М-нет од Штип.

По наредба на јавен обвинител од Основното јавно обвинителство Скопје, полициски службеници од Министерството за внатрешни работи денеска непосредно по излегувањето од КПУ „Идризово“ – Скопје лишија од слобода лице на кое со Одлука на Претседателот на Република Северна Македонија извршувањето на изречената казна затвор му беше заменето со условна осуда, бидејќи за истото лице е поведена истрага за ново кривично дело – Убиство од член 123 во врска со член 19 (во обид) од Кривичниот законик.