На 21.01.2025 во 07.40 часот во СВР Скопје било пријавено дека во периодот од 15.00 часот на 20.01.2025 до 07.00 часот на 21.01.2025 со употреба на сила било влезено во црква на подрачјето на општина Аеродром во Скопје, при што биле одземени пари, соопшти МВР.

Бизнисмен од Скопје не платил данок и со тоа го оштетил државниот буџет за над 11 милиони денари преку неговата компанија „Алтера Консалтинг“.

Управата за финансиска полиција до Oсновното јавно обвинителство Скопје поднела кривична пријава против А.Б.Г. во својство на сопственик и управител на правниот субјект Друштво за консултантски услуги АЛТЕРА КОНСАЛТИНГ ДООЕЛ Скопје и против правното лице Друштво за консултантски услуги АЛТЕРА КОНСАЛТИНГ ДООЕЛ Скопје поради основано сомнение дека го сториле кривичното дело 60-а од Законот за Данок на додадена вредност.

Министерството за транспорт денеска соопшти дека од Меѓународниот аеродром Скопје се воведуваат уште две нови авиолинии и тоа Скопје - Женева и Скопје - Париз (аеродром Орли). Овие две дестинации, се наведува во соопштението, се воведуваат на барање на дијаспората, а ќе ги оперира авиокомпанијата Изиџет, со тоа што линијата Скопје – Париз ќе започне да се оперира од 2 април, додека линијата Скопје -Женева од 3 ноември, оваа година.

Поведена е истражна постапка притив 25-годишно лице кое во алкохолизирана состојба во семејниот дом во Крива Паланка се обидело со умисла да лиши од живот 22-годишна девојка, пријателка на член на неговото семејство, информираат од Основното јавно обвинителство Куманово.

Единаесетгодишниот ученик во шесто одделение од Прилеп кој се лекува на Клиниката за детски болести во Скопје е трудољубив, дружељубив и ученик со одличен успех и со примерно поведение, информираат со соопштение од прилепското основно училиште „Гоце Делчев“ во кое учи детето.

На првиот училиштен ден од второто полугодие 11- годишен ученик од Основното училиште „Гоце Делчев“ во Прилеп преку прозорец од третиот кат паднал во училишниот двор.