Редовното годишно собрание на Македонската академија на науките и уметностите (МАНУ) почна со минута молк во слава на жртвите во трагедијата во Кочани, а претседателот на МАНУ Живко Попов изрази сочувство во свое и во име на членовите на Академијата до семејствата на починатите.

Северна Македонија води кредибилни и конзистентни макроекономски политики поддржани преку долгогодишната политика на фиксен девизен курс, подобрите показатели за управуање во споредба со други земји со слични економски перформанси, како и посветеноста на реформи во рамки на процесот на пристапување во ЕУ. Ова го констатира кредитната агенција „Фич“ во последниот извештај со кој земјата го задржа и кредитниот рејтинг ББ+ со стабилен изглед, соопшти Министерството за финансии.

Македонија ја добива првата финансиска помош од 52,4 милиони евра од Планот за раст на Европската Унија. ова предфинансирање кое земјава го добива прва во регионот, е само 7 отсто од вкупната сума – од кои 24,4 милиони како директна поддршка за спроведување на реформите, а 28 милиони евра за инфраструктурни проекти.

Министерството за енергетика, рударство и минерални суровини објави јавен оглас за финансиска поддршка за потрошена електрична енергија за 2025 година, наменета за лица кои спаѓаат во категоријата ранливи потрошувачи на енергија со цел да се обезбеди директна поддршка за граѓаните на кои им е најпотребна.

Синоќа, Нијагарините водопади беа осветлени во црвено-жолта боја, во знак на почит за жртвите на трагичниот пожар во Кочани, кој се случи пред една недела.