СВР Охрид поднесе кривична пријава против М.Д.Д.(39) од Охрид, поради постоење основи на сомнение дека сторила едно продолжено кривично дело „поттикнување“, казниво по чл.23 од Кривичниот законик, а во врска со кривичното дело „лихварство“, казниво по член 260 од Кривичниот законик, како и против Љ.Д.(35) од Охрид, поради постоење основи на сомнение за сторено продолжено кривично дело по член 24 од Кривичниот законик „помагање“, а во врска со кривичното дело „лихварство“, казниво по член 260 од Кривичниот законик.

Градоначалникот на Струмица, Костадин Костадиновски реагира на дописот испратен од ВМРО-ДПМНЕ, во кое се бара свикување на итна седница на општината.

Општина Струмица и годинава објави јавен повик за субвенционирање за купување велосипед во износ од 50 отсто од вредноста на велосипедот и заштитна опрема, но не повеќе од 10.000 денари по лице со вклучен персонален данок на доход, соопштија од локалната самоуправа.

СВР Штип поднесе кривична пријава против М.И.(22) од Штип поради постоење основи на сомнение за сторено кривично дело „напад врз службено лице при вршење на работи од безбедноста“.

23-годишен штипјанец доби кривична пријава откако сакал со секира да ја нападне сестра си, при што оштетил врата во семејниот дом, соопшти МВР.

Во Основниот Кривичен суд Скопје денеска заврши сведочењето на обвинетиот Љупчо Палевски во случајот за убиството на Вања Ѓорчевска и Панче Жежовски.

Обвинителката Жаклина Јосифовска го праша Палевски каде всушност одел, кога тргнал на пат за Белград, четири дена по убиството на Вања, со оглед на тоа дека тој претходно тврдеше дека го боли половината и одел натака за второ мислење за болеста но, според обвинителката, тој со себе немал ни еден лист од медицинската документација, туку носел цела опрема за подкаст.

Одделот за внатрешна контрола, криминалистички истраги и професионални стандарди при Министерството за внатрешни работи поднесе кривична пријава до Основното јавно обвинителство Куманово против С.Ш., вработен во Полициското одделение Матејче при СВР Куманово.

Одделот за внатрешна контрола, криминалистички истраги и професионални стандарди до надлежното Основно јавно обвинителство Куманово против С.Ш., вработен во Полициското одделение Матејче при СВР Куманово поднесе кривична пријава поради постоење основи на сомнение дека сторил кривично дело „кражба на електрична енергија, топлинска енергија или природен гас“ по член 235-а став 1 од КЗ. Имено, во временски период од 01.03.2024 година до 09.01.2025 година С.Ш. со намера за себе да прибави противправна имотна корист, без согласност од Електродистрибуција ДООЕЛ Скопје-КЕЦ Куманово во електричното броило кое се води на А.М. од село Липково, извршил премостување на трите фази со кабли пред електричното броило директно во електричните проводници кои водат кон угостителски објект, без притоа електричната енергија да биде регистрирана од страна на електричното броило и неовластено ја користел за своите потреби, со што на Електродистрибуција ДООЕЛ Скопје и причинил материјална штета од 398.847 денари.